Azərbaycanlı Rusiyanın Moskva vilayətinin fəxri sakini seçilib - FOTO | Eurasia Diary - ednews.net

20 Avqust, Çərşənbə axşamı


Azərbaycanlı Rusiyanın Moskva vilayətinin fəxri sakini seçilib - FOTO

Cəmiyyət A- A A+

Rusiyanın əməkdar inşaatçısı, tanınmış sahibkar və ictimai xadim Əlizaman Rəhimov Moskva vilayətinin Domodedovo şəhərininin fəxri sakini seçilib. 

Eurasia Diary xəbər verir ki, bu barədə qərar avqustun 9-da Domodedovo şəhər dairəsinin Deputatlar Şurasının iclasında qəbul olunub.

“Domodedovo şəhər dairəsinin fəxri vətəndaşı” vəsiqəsi isə soydaşımıza avqustun 24-də təqdim olunacaq.

Qeyd edək ki, Ə.Rəhimov 1958-ci ildə Saatlı rayonunda anadan olub. Azərbaycan Pedaqoji İnstitutunun Biologiya fakültəsini və Moskva Kommunal Təsərrüfat və İnşaat İnstitutunun İqtisadiyyat və müəssisədə idarəetmə fakültəsini iqtisadçı-menecer ixtisası üzrə bitirib. O, iqtisad elmləri namizədi, fəlsəfə doktoru, Ümumdünya Kompleks Təhlükəsizlik Elmləri Akademiyasının müxbir üzvü, Təhlükəsizlik, Müdafiə və Asayiş Problemləri Akademiyasının müxbir üzvüdür. Hakim “Yedinaya Rossiya” Partiyasının siyahısı üzrə Domodedovo şəhər dairəsinin Deputatlar Şurasının deputatıdır. 

Xatırladaq ki, Ə.Rəhimov Azərbaycan Respublikasının Prezidenti İlham Əliyevin sərəncamı ilə “Tərəqqi” medalına layiq görülüb. (report)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...