17 sentyabr 2019-cu il tarixində Azərbaycan Gənclik Platformasının təşkilatçılığı, Azərbaycan Dövlət İqtisad Universitetinin dəstəyi ilə gənc yazar Ayxan Əliyev və rejissor Qalib Mirzəliyevin “Mən fəxr edirəm ki, AZƏRBAYCANLIYAM” sosial video-çarxının təqdimat mərasimi keçirilib.

Eurasia Diary xəbər verir ki, tədbir Azərbaycanın Dövlət Himninin səsləndirilməsi, ölkəmizin ərazi bütövlüyü və müstəqilliyi uğrunda şəhid olanların xatirəsinin bir dəqiqəlik sükutla yad edilməsi ilə başlanıb.

Təqdimatda ölkənin aparıcı universitetlərinin tələbələri, ictimai birliklərin nümayəndələri və vətənpərvər gənclər iştirak ediblər.  

Gənc yazar Ayxan Əliyev bu sosial video-çarxın yaranması ideyası haqqında iştirakçılara geniş məlumat verib. A.Əliyev qeyd etmişdir ki, o, uzun müddət müxtəlif xarici dövlətlərdə, eləcə də Amerikada yaşamışdır. Ayxan dünyanın hansı ölkəsində olmasına baxmayaraq, hər yerdə azərbaycançılıq  ideyasını əsas tutmuş, adət-ənənələrimizə yüksək qiymət verərək, qorunub-saxlanılması üçün əlindən gələni etməyə hazır olduğunu bildirmişdir. Yaşadığı ölkələrdə Azərbaycan xalqının əksər  özünəməxsus gözəl xüsusiyyətlərinin heç bir digər xalqda olmadığını vurğulanıb.

Azərbaycan Gənclik Platformasının sədri Fariz Vəliyev müzakirələrdə AR Prezidenti cənab İlham Əliyevin “Azərbaycanda milli və dini birgəyaşayışın ən sivil normaları mövcuddur, ölkədəki tolerantlıq mühiti, dövlət-din münasibətləri bütün dünyada nümunə kimi qəbul olunur” fikrini söyləyərək, gənclərə rəhbərlik etdiyi platformanın müstəqil Azərbaycanımızın gündən-günə inkişafı, tanınması və dostluq əlaqələrinin genişləndirilməsi istiqamətində görülən işlərindən danışıb.
Gənc olmasına baxmayaraq, yetərincə maraqlı işlərə imza atmış rejissor Qalib Mirzəliyev də öz növbəsində video-çarxın ərsəyə gəlməsi haqqında danışıb.
Video-çarxda ana rolunda yer alan UNEC-in 24/7 Kitabxanasının müdiri Arzu Məmmədova Azərbaycan Dövlət İqtisad Universitetinin tələbə-məzunlarının fərqli bir istedadlı olmasını vurğulamış və yaradıcı heyətə öz təşəkkürünü bildirib.      

Tədbirdə, Yeni Azərbaycan Partiyası- Gənclər Təşkilatının Nümayəndəsi, Korrupsiyaya Qarşı Mubarizə Mərkəzi İctimai Birliyinin sədri Anar Sarıyev, Sosioloq Zəminə Səfərova Azərbaycan Dövlət İqtisad Universiteti və Bakı Dövlət Universitetinin tələbələri iştirak edib.

İştirakçılar tərəfindən olduqca maraqla qarşılanan sosial video-çarxın təqdimatı vətənpərvərlik mövzusunda müzakirələr ilə davam edib.