“Cinayət Məcəlləsinə “Yaltaqlıq” maddəsi əlavə edilsin” - Tanınmış vəkil | Eurasia Diary - ednews.net

14 Dekabr, Şənbə


“Cinayət Məcəlləsinə “Yaltaqlıq” maddəsi əlavə edilsin” - Tanınmış vəkil

Cəmiyyət A- A A+

“Böhtan və təhqir cinayət sayılırsa, niyə də yaltaqlıq cinayət sayılmasın?. Bilirik ki, cinayət ictimai təhlükəli əməldir. Bu gün yaltaqlıq cəmiyyətin bəlasına çevrilib, onun cəmiyyət üçün yaratdığı təhlükə böhtan və təhqirdən qat-qat çoxdur”.

Eurasia Diary-nin Modern.az-a istinadən məlumatına görə, bunu tanınmış vəkil Adil İsmayılov bildirib.

O təklif edib ki, Azərbaycan Respublikasının Cinatət Məcəlləsinə “Yaltaqlıq” adlı maddə əlavə edilərək, ictimai mənəviyyat əleyhinə cinayətlər fəslinə salınsın.

“Maddənin dispozisiyası təxminən belə ola bilər:

“Yaltaqlıq, yəni tabelikdə olan şəxs tərəfindən rəhbərinin və ya seçmək hüququ olan şəxs tərəfindən seçkili vəzifə tutan şəxslərin öz vəzifə borclarının yerinə yetirilməsi ilə əlaqədar etdikləri işlərə görə kütləvi çıxışlarda, kütləvi nümayiş etdirilən əsərdə, kütləvi informasiya vasitəsində və ya kütləvi nümayiş etdirildiyi halda internet informasiya ehtiyatında tərifləməsi müəyyən müddətə azadlıqdan məhrum etmə ilə və ya cərimə ilə cəzalandırılır”.

Təklifimin müsbət qarşılanacağı təqdirdə maddəni cilalamaq üçün kifayət qədər savadlı hüquqşünaslarımız var”, - Adil İsmayılov qeyd edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...