Bakıda iş vaxtının rejimi ilə bağlı işəgötürənlər üçün maarifləndirmə tədbiri keçirildi | Eurasia Diary - ednews.net

2 Aprel, Cümə axşamı


Bakıda iş vaxtının rejimi ilə bağlı işəgötürənlər üçün maarifləndirmə tədbiri keçirildi

Cəmiyyət A- A A+
Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti Bakı şəhərində “Əmək haqqının ödənilməsinin formaları, qaydaları və əmək haqqından tutulmalar” və​ “İş vaxtının növləri, iş vaxtının rejimi və iş vaxtından artıq vaxtda işin tənzimlənməsi qaydaları” mövzularında maarifləndirici tədbir keçirib.
 
Tədbirdə Bakı şəhərinin müxtəlif rayonlarında fəaliyyət göstərən işəgötürənlərin nümayəndələri iştirak edib.
 
Bildirilib ki, Əmək Məcəlləsinə əsasən, işçilərə iş vaxtından artıq vaxt ərzində görülən işin hər saatı üçün əmək haqqı ödənilməlidir. Əməyin vaxtamuzd ödənilmə sistemində saatlıq tarif (vəzifə) maaşının ikiqat məbləğindən aşağı olmamaqla, əməyin işəmuzd ödənilmə sistemində işəmuzd əmək haqqı tam ödənilməklə müvafiq dərəcəli (ixtisaslı) vaxtamuzd işçinin saatlıq tarif (vəzifə) maaşından aşağı olmamaqla əlavə haqq məbləğində ödəniş nəzərdə tutulub. İş vaxtından artıq işlərin əlavə istirahət günü ilə əvəz edilməsinə yol verilmir.
 
Əmək haqqının verilməsinin müddətləri ilə bağlı əmək qanunvericiliyində əksini tapan prinsiplər, əmək haqqının verilməsinin işəgötürənin təqsiri üzündən gecikdirildiyi hallarla bağlı qanunvericiliyin tələbləri diqqətə çatdırılıb. İşçilərin haqq-hesab sənədlərinin tərtib edilməsi üzrə qaydalar, əmək haqqının verilmə yeri, forması və ödənilmə vahidi və digər məsələlər haqqında da məlumatlar verilib.
 
Tədbir iştirakçılarını maraqlandıran suallara cavab verilib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...