Koronavirus (COVID-19)  Çinin Yuhan şəhərindən yayılmağa başlayaraq, artıq dünyanı öz ağuşuna aldı.

Koronavirus səbəbindən minlərlə insan həyatını itirməkdə davam edir. ÜST yayılan və hələ də qarşısı alnmağa çalışılan koronavirusla bağlı pandemiya  elan etdi.

Koronavirusun əlamətləri  nələrdir?

Çin artıq bu virusla vidalaşmağa başlarkən, İtaliya,İspaniya, Almaniya,İran,Türkiyə,Yaponiya və sadalanacaq neçə-neçə ölkə bu virusla mübarizə aparmağa  başladı.

Dünya statistikasına istinadən nəzərinizə çatdıraq ki,

Çin-81093 yoluxma-3270ölüm

İtaliya-590138 yoluxma-5476ölüm

Amerika-34953yoluxma-427ölüm

İspaniya-28768 yoluxma-1772ölüm

Almaniya-24873yoluxma-94ölüm

İran-21638yoluxma-1685ölüm

Fransa-16018yoluxma-674ölüm

C.Koreya-8961yoluxma-111ölüm

İsveçrə-7474yoluxma- 98ölüm

İngiltərə-5683yoluxma-281ölüm

Hollandiya-4204 yoluxma-179ölüm

Avstriya-3582yoluxma-16ölüm

Belçika-3401yoluxma- 75ölüm

Türkiyə-1236yoluxma- 30ölüm

Azərbaycan-65yoluxma-1ölüm hadisəsi baş verib.

Ötən sutka ərzində 1 600 nəfər bu virusdan vəfat edib və bununla da koronavirusdan ölənlərin sayı dünya üzrə 14 613 nəfərə çatıb.

Koronavirus  səbəbindən bütün təhsil  ocaqları iri və kiçik iaşə obyektləri bəzi özəl və dövlət sektorları bağlanıldı. Əhaliyə virusla bağlı diqqətli olmağı bildirdilər. KİV-lərdə bununla bağlı maarifləndirici reklamlar və bildirişlər yayımlanmağa başladı.

Bəs görəsən, Bakı sakinləri COVİD-19 virusu ilə bağlı hansı lazımi tədbirlərə əməl edirlər.

EdNews sakinlər arasında keçirilən sorğunu sizlərə təqdim edir.

Əfşan Həsənli (31yaş)

Virus barəsində məlumatım var.Çalışdığım qədər evdən çıxmayım. Amma indi məcburam.Uşağın yeməyinə görə aptekə gəlmişəm.Əlcəksiz və maskasız küçəyə çıxmıram. Marketdən aldığım hər nə varsa,72%-li sabunla yuyuram.Əllərimi spirt məhlulu ilə dezinfeksiya edirəm.

Qasım Quliyev (65yaş)

Maska taxa bilmirəm. Amma gördüyünüz kimi əllərimə əlcək taxmışam. Həmişə cibimdə spirt var.Evdə oturanda adam darıxır. Arada təmiz hava almaq gərəkir. Evə gedən kimi əllərimi təmiz-təmiz yuyuram.

Murtuza Əliyev (71yaş)

Xəstəlik hər zaman var. Əsas odur ki, özümüzü qoruyaq.Dünən nəvəm mənə maska verdi ki,baba bunsuz küçəyə çıxma. Biz yaşlıların orqanizmi virusa daha tez yoluxur. Özümüzü qoruyaq.

Məsmə Həsənquliyeva (64yaş)

Koronavirusla bağlı məlumatım var. Çalışdığım qədər evdən çıxmıram. Nəvələri, uşaqları həyətə düşüməyə icazə vernirik. Özüm isə marketə  gəlmişəm ki, ərzaq alım. Evin girəcəyində ərzaqları yeşiklərə qablaşdırıb, paketləri atıram.

Tamerlan Ağazadə (28yaş)

İşlə əlaqədar olaraq, evdən çıxmalı oluram. Müştərilər, sərnişinlərin elə özümün də sağlamlığı üçün maşını daima spirtlə dezinfeksiya edirəm. Ödənişlər olur deyə, əlcək taxıram. Çalışaq ki, evdə qalaq, özümüzü və ailəmizi qoruyaq.

Elmira Allahverdizadə (53yaş)

İnsan gərək özünün həkimi olsun. Koronavirusla bağlı nə tədbirlər varsa, yerinə yetirirəm. Hər saat xəbərləri izləyirəm ki, görüm, dərman hazırlana bildi.

Nərgiz Həşimli (21yaş)

Koronavirusa görə universitet və məktəblər bağlandı. Bu düzgün qərar idi. Tələbə kimi bizim də borcumuz lazimi tədbirləri  layiqincə yerinə yetirməkdir. Maskadan əlcəkdən istifadə edirəm. Çantamda da spirt var.

Bəşir Murtaqulov (77yaş)

Allaha pənah deyib, yaşayırıq. Dünən sirt almışam. Amma maska yoxdur. Burada bir neçə aptekə baxdım, dedilər ki, yoxdur, qurtarıb. Bu qədər maskaları aldılar. Bəs maskalar niyə aptekdə yoxdur? Axı deyilənə görə maska qıtlığı olmamalı idi, lakin nəticə göz qarşısında...

Bahar İslamova (47yaş)

Aptekdə maska və spirt yoxdur. Evə geri dönəndən sonra əllərimi sabunla yuyuram. Təmizləyici vasitələrlə dəhlizi, hətta qapıların cəftələrini belə silirəm. Çalışaq özümüzü qoruyaq. Bu virusun dərmanı tapılsaydı, rahatlanardıq.

Yadigar Əhmədov (61yaş)

Geyinib, keçinib marketə gedirəm. Maskanı çətinliklə tapıb, almışam. Bu maska üçün düz üç gün nəvəm aptekə gedib, gəlməli oldu. Sonda aldı. Spirt cibimdədi. Dünəndən diqqət edirəm ki, artıq market sahibləri də işçilərinə maska, əlcək və spirt verir. Bu yaxşı haldı. Onlar da bizim balamızdı. Bir olaq, virusa qalib gələk.

Unutmayaq ki, koronavirusa qalib gəlmək elə də çətin deyil. Özümüzü və sevdiklərimiz qorumaq üçün lazimi tədbirləri öncədən yerinə yetirmək lazımdır. Sağlamlığımız üçün toplum içərisində az olaq. Lazım olmadığı təqdirdə küçələrə çıxmayaq. Özümüzü və ailəmizi COVID-19 virusundan qoruyaq.

Hər zaman Sağlam olaq!

Günel Ağayeva