Şamaxının bir kəndinin adı dəyişdirilir | Eurasia Diary - ednews.net

2 İyul, Cümə axşamı


Şamaxının bir kəndinin adı dəyişdirilir

Cəmiyyət A- A A+

Milli Məclisin Toponimiya komissiyasına Şamaxı rayonunda bir kəndin adının dəyişdirilməsi təklifi daxil olub.

EDNews.net  xəbər verir ki,bunu açıqlamasında Toponimiya komissiyasının sədri İsa Həbibbəyli deyib.

O bildirib ki, Şamaxı Rayon İcra Hakimiyyəti həmin rayonun inzibati ərazi bölgüsünə daxil olan Saqiyan kəndinin adının dəyişdirilməsi ilə bağlı məsələ qaldırıb: "Biz araşdırdıq, həqiqətən də kəndin adının mənşəyi barədə müxtəlif versiyalar olduğu ortaya çıxdı. Kəndin adının mənşəyi əslində bilinmir və müəyyən etmək çətindir. Ona görə də kəndin adının dəyişdirilməsi təklifinə müsbət yanaşmışıq. Toponomiya komissiyasının ayın 8-də keçiriləcək iclasında bu məsələyə baxılacaq və qərar qəbul ediləcək.

Şamaxı Rayon İcra Hakimiyyətindən eyni zamanda kəndin adının hansı adla əvəzlənməsi ilə bağlı da təklif komissiyaya daxil olub. Təklifdə kəndin "Günəşli” adlandırılması münasib hesab edilib. Coğrafi mövqeyi də kəndin belə adlandırılmasına imklan verir. Bundan əvvəlki dövrlərdə - 1994-2000-ci illərdə bir müddət bu kənd Günəşli adlandırılıb. Ayın 8-də toponomiya komissiyasnın onlayn iclasında bununla bağlı qərar qəbul ediləcək".(apa)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...