Ermənistan Azərbaycana qarşı törədilmiş cinayətlərə görə cavab verəcək - Baş Prokurordan açıqlama | Eurasia Diary - ednews.net

15 İyun, Çərşənbə axşamı


Ermənistan Azərbaycana qarşı törədilmiş cinayətlərə görə cavab verəcək - Baş Prokurordan açıqlama

Cəmiyyət A- A A+

"Ermənistanın təcavüzü nəticəsində Azərbaycanın mülki əhalisinə qarşı törədilmiş cinayətlərlə bağlı beynəlxalq təşkilatlar məlumatlandırılıb".

Eurasia Diary xəbər verir ki, bu sözləri Baş Prokuror Kamran Əliyev deyib.

Baş Prokuror bildirib ki, bu, diplomatiya sahəsində həyata keçirilən addımlardır: "Münaqişə başlayan ilk gündən bəri bununla bağlı müvafiq tədbirlər görülüb, hüquqi müstəvidə addımlar atılıb. Ermənistanın mülki əhaliyə qarşı törətdiyi cinayətlərlə bağlı beynəlxalq məhkəmələrdə həm cinayət təqibi qaydasında, həm mülki qaydada iddiaların qaldırılması təmin ediləcək".

Baş Prokuror Kamran Əliyev onu da bildirib ki, "Qarabağda vuruşmuş erməni terrorçular və muzdlularla bağlı konkret cinayət işləri var".

Həmin şəxslərə qarşı konkret cinayət işi ilə bağlı ittihamlar irəli sürülüb: "Bunlardan biri - Livan vətəndaşı ilə bağlı cinayət işi Bakı Hərbi Məhkəməsinə göndərilib. Həmin şəxs barəsindəki cinayət işinə hərtərəfli və obyektiv yanaşılması üçün beynəlxalq konvensiyalara uyğun baxılması təmin ediləcək. Digər terrorçularla bağlı cinayət işi də yekunlaşmaq üzrədir. Bununla bağlı ictimaiyyətə ətraflı məlumat veriləcək".

APA

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...