İyunun 23-də Beynəlxalq Avrasiya Mətbuat Fondunun ofisində Eurasia Education Center-in nümayəndələri və Macarıstanın Peç Universitetinin əməkdaşları Robert Maroz və Piter Sobath arasında ECL imtahan hazırlığı üzrə online tədbir keçirilib.

Eurasia Diary xəbər verir ki, tədbirdə ECL imtahan  hazırlığı ilə bağlı görüləcək işlər və gələcək fəaliyyət istiqamətləri haqqında ətraflı müzakirələr aparılıb.

Aparılan müzakirələrdə əməkdaşlar ECL-ə daxil olan dillər, əsasən ingilis dili üzrə dərs cədvəllərinin və tələbələrin sayının müəyyənləşməsinin vacibliyini vurğulayıblar. Dərslərin iyul və ya avqust ayında keçirilməsi nəzərdə tutulur.

Qeyd edək ki, ECL xarici dil biliyi səviyyəsinin təsdiq olunması üzrə Avropa Konsorsiumu (European Consortium for the Certificate of Attainment in Modern Languages) Avropa dillərinin öyrənilməsi üzrə müəssisələrin birliyidir.

ECL imtahanını uğurla keçən tələbəyə xarici dil səviyyələri üzrə beynəlxalq sertifikat verilir.

ECL imtahan hazırlığını həyata keçirən Eurasia Education Center-in əsası Beynəlxalq Avrasiya Mətbuat Fondunun rəhbərliyi ilə qoyulub. 2018-ci ilin fevralında BAMF Macarıstanda Peçs Universiteti ilə saziş imzalayıb və ECL Milli İmtahan Mərkəzi (European Consortium for the Certificate of Attainment in Modern Languages) ölkədə yeganə müasir xarici dil biliklərinin Sertifikasiyası üzrə Avropa Konsorsiumu statusunu alıb. Eurasia Education Center Azərbaycan Respublikasında ECL imtahanlarına hazırlıq və qəbul keçirilən birinci mərkəz olub. ECL Milli İmtahan Mərkəzi sayəsində tələbələr hazırlıq keçmək, ECL testləri vermək və beynəlxalq dil sertifikatı almaq imkanı qazanırlar.