“İnkişaf və Rifah Naminə” İctimai Birliyinin təşkilatçılığı ilə “Qarabağ Azərbaycandır” adlı fərdi layihənin tədbiri keçirilib - FOTOLAR | Eurasia Diary - ednews.net

24 Sentyabr, Cümə

“İnkişaf və Rifah Naminə” İctimai Birliyinin təşkilatçılığı ilə “Qarabağ Azərbaycandır” adlı fərdi layihənin tədbiri keçirilib - FOTOLAR

Cəmiyyət A- A A+
“İnkişaf və Rifah Naminə” İctimai Birliyi uzun illərdir fəaliyyət göstərir. İctimai birlik sosial xidmətlərin uzunmüddətli  təcrübəsinə əsaslanaraq,  çətin həyat şəraitində olan şəxslərin və ailələrin sosial xidmətlərə çıxışının təmin edilməsi, cəmiyyətə adaptasiyasının gücləndirilməsi və onların rifahının inkişafı məqsədilə müntəzəm tədbirlər həyata keçirir. 
 
Müzəffər Ali Baş Komandan, hörmətli Prezidentimiz cənab İlham Əliyev Türk Dünyasının Milli Davası olan II Qarabağ müharibəsində - Vətən müharibəsində qazandığımız böyük qələbədən sonra ölkəmizin bütün istedadlı insanlarına çağırış etdi ki, böyük zəfərimizi öz əsərlərində işıqlandırsınlar. Respublikamızın bütün gənc istedadları Prezidentimizin bu çağırışına həvəslə qoşulmuşdur.
 
Gənc yazar Etibar Həsənzadə məhz bu çağırışa qoşularaq özünün “Qarabağ Azərbaycandır” adlı fərdi layihəsini böyük həvəslə davam etdirir. 
 
Bu baxımdan vətənpərvərlik mövzusunda olduğunu nəzərə alaraq ictmai birlik gənc yazar Etibar Həsənzadənin “Qarabağ Azərbaycandır” fərdi layihəsinin növbəti tədbirini keçirdi.
 
Tədbir Beynəlxalq Avrasiya Mətbuat Fondunun ofisində “İnkişaf və Rifah Naminə” İctimai Birliyinin təşkilatçılığı ilə həyata keçirildi. 
 
Tədbirdə müxtəlif Dövlət qurumları, Mədəniyyət Nazirliyi və Gənclər İdman Nazirliyi yanında İctimai Şuranın üzvləri, Vətəndaş Cəmiyyətinin nümayəndələri, İctimai birliklərin sədrləri, I və II Qarabağ müharibəsi iştirakçıları, qazilər və Azərbaycanın görkəmli sənət nümayəndələri – Respublikanın Əməkdar artistləri, aktyorlar, rejissorlar və məktəblilər iştirak etdilər.
 
Görüşdə çıxış edənlər gənc yazar Etibar Həsənzadənin vətənpərvərlik mövzusunda yazılan əsərlərinə böyük qiymət verdilər və “Qarabağ Azərbaycandır” layihəsinin böyük əhəmiyyətini qeyd etdilər. 
 
Etibar Həsənzadənin “Gözlə bizi Qarabağım”, “Qarabaq Azərbaycandır”, şəhid generalımız Polad Həşimova həsr etdiyi “General gəlir”, “Şəhidlər”, “Xudayar səsi”, “Bayrağım”, “Hadrut fatehi”, ”Zəfər Paradı” və s. şeirləri aktyorların və məktəblilərin ifasında səsləndi.Onun vətənpərvərlik mövzusunda yazdığı əsərləri əsasında çəkilmiş videoçarxlar nümayiş etdirildi və bütün tədbir iştirakçılarının diqqətini çəkdi.
 
Etibar Həsənzadənin bu günədək qələbəmizlə, qəhrəmanlarımızla, şəhidlərimizlə bağlı silsilə şeirlərini və hekayələrini şəxsi yutub kanalında izləmək mümkündür. 
 
Tədbirin sonunda Etibar Həsənzadə  tədbirin təşkilatçısı “İnkişaf və Rifah Naminə”İctimai birliyinə və iştirakçılara təşəkkürünü bildirdi. Sonra layihədə fəal iştirak edən şəxslərə  Diplomlar təqdim edildi.
 
Sonda xatirə şəkilləri çəkildi. 
1

1

1

1

1

1

1

1

1

1

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...