Hikmət Hacıyev “Əl-Cəzirə”nin heyəti ilə görüşüb | Eurasia Diary - ednews.net

25 Sentyabr, Şənbə

Hikmət Hacıyev “Əl-Cəzirə”nin heyəti ilə görüşüb

Cəmiyyət A- A A+

Azərbaycan Respublikası Prezidentinin köməkçisi - Azərbaycan Respublikası Prezidentinin Administrasiyasının Xarici siyasət məsələləri şöbəsinin müdiri Hikmət Hacıyev ötən gün Beynəlxalq Avrasiya Mətbuat Fondunun dəvəti ilə ölkəmizdə səfərdə olan, Əl-Cəzirə Media Şəbəkəsinin İctimai Azadlıqlar və İnsan Hüquqları Mərkəzinin direktoru Sami Əl-Haccı və Əl-Cəzirə TV-nin İstanbul bürosunun əməkdaşı Omar Əlhacc Hazzanı qəbul edib.

EDNews.net xəbər verir ki, Hikmət Hacıyev qonaqları salamladıqdan sonra 44 günlük Vətən Müharibəsi dövründə Əl-Cəzirə Media Şəbəkəsinə tutduğu tərəfsiz mövqeyə görə təşəkkürünü bildirib və eyni zamanda uzun illər davam edən BAMF Əl-Cəzirə əməkdaşlıqlığından dolayı məmnunluğunu dilə gətirib.

Sami Əl-Hacc BAMF-ın təşkilatçılığı və Media İnkişaf Agentliyi, Beynəlxalq Münasibətlərin Təhlili Mərkəzi, ADA Universitetinin dəstəyi ilə jurnalistlər ücün keçirilən Təhlükəsizlik təlimləri, Əl-Cəzirə BAMF əməkdaşlığının tarixçəsi və gələcək perspektivləri barədə danışıb. Eyni zamanda Əl-Cəzirədəki iş təcrübəsindən söhbət açan Sami Əl-Hacc Quantanamo həbsxanasında keçirdiyi məşəqqətli günlərdən bəhs edib.

Sonda Sami Əl-Hacc özünün həbsxana həyatı ilə bağlı kitabı, Əl-Cəzirəyə aid muxtəlif nəşrləri və Əl-Cəzirə Media Şəbəkəsinin xüsusi hədiyyəsini Hikmət Hacıyevə təqdim edib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...