Azərbaycanlı iş adamı Telman İsmayılovun oğlu Sərxan İsmayılovun keçmiş qeyri-rəsmi nikahlı həyat yoldaşı Yekaterina Romanova içkiyə qurşanıb.
EDNews.net “Qafqazinfo”-ya istinadən xəbər verir ki, bu barədə aparıcı Andrey Malaxovun “Pryamoy efir” (“Прямой эфир”) tok-şousunda danışılıb.
Verilişdə Y. Romanovanın Kalujsk vilayətinin Borovsk şəhərindəki mənzilindən görüntülər nümayiş etdirilib. Məlum olub ki, qadın hədsiz çox içməyə başlayıb və buna görə çox utanır:
Y. Romanovanın qızı Ruslana isə deyib ki, DNT testi vasitəsilə Sərxan İsmayılovla qohumluq əlaqəsi təsdiqlənəndən sonra (oliqarxın oğlu və Yekaterina Romanova arasında rəsmi nikah olmayıb-red.) miras üstündə mübarizə aparmağa başlayacaq. Efirdə o da qeyd olunub ki, Ruslananın beş yaşı olarkən atası ona qırmızı “Bentley” hədiyyə edib. Lakin ananın sözlərinə görə, Sərxan avtomobili qumarda uduzub.
Y. Romanova, həmçinin keçmiş qayınatası Telman İsmayılovla bağlı danışıb: “Ona bir insan kimi yazığım gəlir. Əgər məhkəmə olsa, qızımla gedəcəyəm. O, onu dəstəkləmək niyyətindədir, bəlkə, heç olmasa bu yolla babası ilə görüşə bilər”. Qadın T. İsmayılovu günahkar hesab etdiyini, lakin insan kimi ona yazığı gəldiyini qeyd edib, çünki sonuncu onun övladları – qızı Ruslana və oğlu Davidin babasıdır.