O zaman rəhbərlikdə olan şəxslər heç dəfn mərasimində iştirak etmədilər - Ombudsman - ednews.net

26 May, Cümə axşamı

(+994 50) 229-39-11

O zaman rəhbərlikdə olan şəxslər heç dəfn mərasimində iştirak etmədilər - Ombudsman

Cəmiyyət A- A A+

"Təəssüf ki, o zaman bu faciəyə heç bir siyasi-hüquqi qiymət verilmədi. Yalnız dörd ildən, Ulu öndər Heydər Əliyev hakimiyyətə qayıdandan sonra xalqımızın bu qanlı faciəsinə, böyük dərdinə siyasi-hüquqi qiymət verildi".

Bunu Azərbaycanın İnsan Hüquqları üzrə Müvəkkili (Ombudsman) Səbinə Əliyeva 20 Yanvar faciəsinin 32-ci ildönümü ilə əlaqədar Şəhidlər Xiyabanını ziyarətindən sonra jurnalistlərə açıqlamasında deyib.

“20 Yanvar Qəhrəmanlıq Günüdür. Biz şəhidlərimizi hörmət və ehtiramla anırıq. 32 il öncə Sovet ordusu qadın, uşaq, ahıl demədən dinc əhalini məhv etdi. O zaman rəhbərlikdə olan şəxslər heç dəfn mərasimində iştirak etmədilər. Xalqımızın böyük oğlu Ulu öndər özünə və ailəsinə qarşı olan bütün təhdidlərə baxmayaraq, xalqın faciəsinə biganə qalmayaraq onun yanında oldu”.

Ombudsman təəssüf hissi ilə qeyd etdi ki, o zaman bu faciəyə heç bir siyasi hüquqi qiymət verilməyib: “Yalnız dörd ildən, Ulu öndər hakimiyyətə qayıdandan sonra xalqımızın bu qanlı faciəsinə, böyük dərdinə siyasi-hüquqi qiymət verildi. 2020-ci ildə cənab Ali Baş Komandanın rəhbərliyi ilə əzəli torpaqlarımız işğaldan azad edildi və tarixi ədalət bərpa olundu. Keçmiş məcburi köçkünlərin öz ata-baba yurduna qayıtması üçün bir zəmin yaradıldı. Məlumdur ki, bu proses müəyyən səbəblərə görə ləngiyir, çünki bütün ərazilər minalanıb. Biz bu haqda dəfələrlə bütün beynəlxalq qurumlara müraciət etmişik. Lakin təəssüf hissi ilə qeyd etməliyəm ki, bugün hələ də ikili standartlar mövcuddur”.

S. Əliyeva bildirdi ki, bu gün böyük gündür: “Hesab edirəm ki, Azərbaycan xalqını müstəqilliyə aparan yolun bir başlanğıcı idi. Bir daha bütün şəhidlərimizi hörmət və ehtiramla yad edirik”.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...