“Sülhün Kökləri" təşkilatın rəhbəri Heidi Khün öz facebook səhifəsində Qarabağa səfəri haqqında paylaşım edib.
Ednews xəbər verir ki, videoda onun BAMF-ın prezidenti Umud Mirzəyev ilə Qarabağda üzüm tənəyi əkən zaman görüntüləri əks olunub.
H.Kün paylaşımını belə şərh edib:
“Minalanmış ərazidən üzümlüyə çeverək” devizinə sadiq qalaraq, Sülhün Kökləri təşkilatı müharibə zamanı çirklənmiş torpaqlarda simvolik olaraq üzüm ağacı əkməkdən qürur duyur.
Biz dünyanın sakinləri olaraq bu Ana torpağı paylaşırıq. Torpağı minalarla çirkləndirdiyimiz zaman biz həm də, təminatçımız olan həyat mənbəyimizə zərər veririk.
Azərbaycan şərqdə Xəzər dənizi, cənubda İran, qərbdə Ermənistan, şimalda Gürcüstan və Rusiya ilə həmsərhəddir.
Bu müqəddəs bir an idi, çünki biz sözün əsl mənasında bütün dinlərdən olan insanların çiçəklənməsi üçün dəmir qılıncı yer şumlayan belə, qanı şəraba, minalanmış tarlaları üzüm bağlarına çevirdik.
Üzüm tənəyi həm də həyat simvoludur...
Qoy biz “məhvedici mina toxumlarını” “ümid toxumlarına” çevirək və dünyaya xatırladaq ki, müharibənin təhlükələrindən heç kim faydalanmır”.
“Sülhün Kökləri" humanitar təşkilatın qurucusu və rəhbəri Haydi Kün Beynəlxalq Avrasiya Mətbuat Fondunun dəvəti və ANAMA-nın dəstəyi ilə 1-5 mart tarixlərində Azərbaycanda olub. O, Qarabağda minalanmış bölgələrə səfər edərək həmin ərazilərin təmizlənərək üzüm ağacları ilə əvəz olunması ilə bağlı təkliflərindən bəhs edib. Haydi Kün səfəri çərçivəsində BAMF-la yeni təşəbbüsün reallaşdırılması yönündə memorandum da imzalayıb.
Qeyd edək ki, Beynəlxalq Avrasiya Mətbuat Fondu Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə həyata keçirilən ““Minasız Azərbaycan, Təhlükəsiz Qarabağ” beynəlxalq konfransına hazırlıq” layihəsi çərçivəsində fəaliyyətlərinə davam edir.
