“Minaların çıxarılması məcburi köçkünlərin və qaçqınların doğma evlərinə qayıtmasına kömək edəcək”.
Ednews xəbər verir ki, bu sözləri “Əl-Cəzirə” Media Şəbəkəsinin İctimai Azadlıqlar və İnsan Hüquqları Mərkəzinin direktoru Sami Əl Hacc Bakıda keçirilən “Humanitar Minatəmizləmə Fəaliyyəti və Dayanıqlı İnkişaf Məqsədləri” adlı beynəlxalq konfransda çıxışı zamanı bildirib. O, qeyd edib ki, görüş mühüm humanitar məqsədə nail olmaq niyyəti ilə təşkil olunub.
“Biz silahlı münaqişələr nəticəsində əkilmiş minalarla mübarizə üçün səyləri və kampaniyaları dəstəkləmək üçün buradayıq. Hamımız bilirik ki, minalar hər il minlərlə günahsız insanı öldürür və yaralayır, uşaqların və tələbələrin məktəbə, işçilərin fabriklərə, fermerlərin tarlalara getməsinə mane olur. Minalar yenidənqurma və kəndlərin inkişafını təhdid edir, sülh və sosial təhlükəsizliyə meydan oxuyur”.
Sami Əl Hacc həmçinin bildirib ki, Əl-Cəzirə İctimai Azadlıqlar və İnsan Haqları Mərkəzi minaların və hərbi partlayıcı materialların təhlükələri haqqında ictimaiyyətin maarifləndirilməsində medianın rolu vacibdir.
“AJMN xəbərləri beynəlxalq humanitar hüquqa riayət edilməsinin zəruriliyini vurğulamağa çalışdı. O, silahlı tərəfləri minalardan istifadəni dayandırmağa və onların aradan qaldırılması üçün münaqişə bölgələrində yerlərini açıqlamağa çağırır. Minaların müvəffəqiyyətlə çıxarılması bir çox hallarda məcburi köçkünlərin və qaçqınların öz yerlərinə və öz doğma evlərinə qayıtmalarına kömək edəcək. Mən bu mühüm vəzifəni tezliklə başa çatdırmağı ümid edirəm. Mən həqiqətən ümid edirəm ki, biz bu konfransı müvəffəqiyyətlə yekunlaşdıracağıq və fürsətdən istifadə edərək Azərbaycanın bütün əlaqədar qurumlarına təşəkkürümü bildirirəm. Beynəlxalq təşkilatların göstərdiyi səylərə dərin minnətdarlığımı bildirirəm”.
Qeyd edək ki, Sami Əlhacın Azərbaycana səfəri Beynəlxalq Avrasiya Mətbuat Fondunun Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə icra etdiyi ““Minasız Azərbaycan, Təhlükəsiz Qarabağ” beynəlxalq konfransına hazırlıq” layihəsi çərçivəsində həyata keçirdiyi fəaliyyətlərindən biri idi.