Beynəlxalq Avrasiya Mətbuat Fondu və onun prezidenti Umud Mirzəyev Əl-Cəzirə telekanalının müxbiri Şirin Əbu Aqlehin qətlə yetirilməsi ilə bağlı twitter hesabında paylaşım edib.
Umud Mirzəyev jurnalistin həyatına qəsd edilməsinin insan hüquqlarına tamamilə zidd olduğunu və bunu şiddətlə qınadığını bildirib. O, həmçinin paylaşımında Aqlebin həlak olması ilə bağlı öz dərin təəssüf hissini də qeyd edib.
"Əl Cəzirə media şəbəkəsinin əməkdaşı fələstinli jurnalist Şirin Əbu Əqlənin İordan çayının qərb sahilindəki Cenin qaçqın düşərgəsi ərazisində qətlə yetirilməsi ilə bağlı xəbəri dərin kədər hissi ilə paylaşdıq. Biz bu hadisəni şiddətlə qınayırıq".
Qeyd edək ki, 51 yaşlı fələstinli jurnalist Əbu Aqleh işğal altındakı İordan çayının qərb sahilindəki Cenin qaçqın düşərgəsi ərazisində İsrail hərbi qüvvələri tərəfindən qətlə yetirilib.