Tanınmış ginekoloq-həkim Xalidə Kəngərlinin həyat yoldaşının istintaq orqanı tərəfindən izahatı alınıb.
Bu barədə Ednews-a Yasamal Rayon Prokurorluğundan məlumat verilib.
Faktla bağlı istintaq orqanı tərəfindən aparılan araşdırmalar çərçivəsində mərhumun son telefon yazışmaları araşdırılır. Eyni zamanda, onun yaxınlarının izahatları alınır.
Xatırladaq ki, iyunun 28-də 1984-cü il təvəllüdlü Xalidə Məhəmməd qızı Kəngərli özünü Yasamal rayonunda yaşadığı binanın 11-ci mərtəbəsindən atıb. O, Kəpəz Hospitalı fəaliyyətə başlayandan orada çalışıb.