Daxili İşlər Nazirliyinin keçirdiyi əməliyyat nəticəsində R.Məmmədov müəyyən edilərək saxlanılıb. Bəs, xuliqanlıq əməli törədən şəxsi hansı cəza gözləyir?

 

Vəkil Elçin Vəkilov Ednews-a açıqlaması zamanı bildirib ki, şəxsə 3 aydan-7 ilədək cinayət məsuliyyəti düşür.

 

“Burada ağır və xüsusilə ağır cinayətlərdə hazırlığa görə cinayət məsuliyyəti yaranıb. Cinayət məcəlləsinin 128.1-ci maddəsində görə cinayət törətmək üçün vasitə və ya alət axtarma, əldə etmə, hazırlama və yaxud bu cür əlaqələrə girmə cinayət məsuliyyətinə səbəb olur. Adam öldürməklə hədələyən bu şəxsin əməlində artıq cinayət məsuliyyətinin 128.1-ci maddənin əhatəsinə düşür. Şəxs mütləq cinayət məsuliyyətinə cəlb olunmalıdır. Birmənalı olaraq Məmmədov Romana 3 aydan-7 ilədək həbs düşür. Çünki bu şəxs artıq cəmiyyət və insanlar üçün təhlükədir”. 

 

Nəzərə alsaq ki, R.Məmmədov videoda insanları ancaq hədələyib bu halda  o, yenə də cinayət məsuliyyətinə cəlb oluna bilərmi? Vəkilə yönləndirdiyimiz sualı isə o, belə cavablandırıb:

 

“Videoda da göründüyü kimi bu şəxs əlində olduğu alətlə qaşısına çıxacaq şəxsləri öldürmək haqqında hədə yağdıraraq bu əmələ qərar verdiyini bildiribv. Bu isə qanunla ağır cinayətə hazırlıqdır. Ona görə də bu vəziyyətdə Məmmədov mütləq şəkildə cinayət məsuliyyətinə cəlb olunmalıdır”.

 

Ləman Abbaslı

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary