Xaçmaz rayonunda ötən gün baş verən yanğın 98 faiz tam söndürülüb.
Ednews xəbər verir ki, Rayon FHK-nın sədri Anar Oruclunun Bizim.Media-ya verdiyi məlumata görə, hazırda bəzi yerlərdə cüzi tüstülənmə gedir:
“Hər ehtimala qarşı ərazidə 7 yanğınsöndürən avtomobil və canlı qüvvə tüstü ocaqlarını söndürməklə məşğuldu. Qısa vaxt ərzində tüstülənən yerlərin hamısı söndürüləcək”.
Anar Oruclu yanğın nəticəsində 3 hektar meşə, 3 hektar da kol-kos sahəsinin yandığını deyib. Tam dəqiq məlumat alov söndürüləndən sonra məlum olacaq.
