Azərbaycanda konstitusiyada dəyişiklik edilməsi üçün referendumun keçirilməsi ilə bağlı bəzi iddialar var.
Bəzi ekspertlərin fikrincə referendumun keçirilməsini zəruri edən səbəblərdən biri də ölkənin ali qanunvericiliyində boşluqların olmasından irəli gəlir.
Məsələ ilə bağlı Ednews-a açıqlamasında “Ümid” partiyasının sədri İqbal Ağazadə bildirib ki, Konstitusiyaya referendumun keçirilməsi ilə bağlı təkliflər hazırlayıblar.
“Konstitusiyada xeyli dərəcədə dəyişiklərin edilməsinə ehtiyac var. Məsələn Azərbaycan dili ilə bağlı, yəni dövlət dilinin Azərbaycan-Türk dili adlandırılması, seçki sistemin təkminləşdirilməsi proporsional seçki sisteminə keçid edilməsi barədə də müzakirələr edilməlidir. Həmçinin deputatların sayın artırılmalı, həssas əhali kateqoriyaya aid edilən vətəndaşların, sosial təminatları və onların hüquq və azadlıqlqarı ilə bağlı problemləri Konstitusiya səviyyəsində göstərilməlidir. Ən əsası isə təhsil ilə bağlı kifayət qədər dəyişiklər və əlavələr olunmalıdır. Bu səbəbdən də biz Konstitusiyaya dəyişiklik edilməsinin tərəfdarıyıq’’.
Partiya başqanı bildirib ki, son dəyişikliklərin Avropa təcrübəsindən deyil, daha çox Şərq prinsiplərinə əsaslanaraq həyata keçirilib. Onun sözlərinə görə, məhz buna görə “Ümid” partiyasının təklifləri özündə Avropa təcrübəsini ehtiva edir.
‘’Bizim təkliflərimizdə əsasən Avropa təcrübəsi nəzərə alınıb. Məhz buna görə də biz yerli icra hakimiyyət orqanlarının səlahiyyətlərinin azadılması, bələdiyyə başkanlarının seçilməsi, bələdiyyə məclislərin təşkil olunmasını təklif etmişik”.
Partiya sədri həmçinin, torpaqların işğaldan azad edildikdən sonra, yaradılan səlahiyyətli nümayəndə institutunu Konstitusiyaya əlavə edilib-edilməməsi məsələsinə münasibət bildirib.
“İşğaldan azad olunan ərazilərə təyin olunan səlahiyyətli nümayəndələrinin səlahiyyətləri Konstitusiyaya əlavə edilməlidir. Çünki Konstitusiya normasına görə ölkə mərkəzi və yerli icra hakimiyyəti orqanları tərəfindən idarə olunur”.
Xaliq Quliyev