“Sanki pis bir yuxudayam. Hələ də inana, qəbullana bilmirik." Allah rəhmət etsin" sözünü demək belə çətin gəlir - axı o hələ gənc idi. 4 yaxın dost idik. Məktəbə, hazırlığa, idmana, gəzməyə-bir sözlə hər yerə birgə gedərdik. Nə yediyimiz, nə də içdiymiz ayrı düşməzdi. Sən demə hər şey onda gözəl imiş, sən demə onda xoşbəxt, tam imişik”.
Ednews xəbər verir ki, bu sözləri Azərbaycan Ordusunun hərbi qulluqçusu Samir Səməd oğlu Xudiyevin ən yaxın dostu Seyhun deyib. Seyhun, dostunun bir günlük yoxluğunu cümlələrə sığdıra bilmədiyini də qeyd edib.
Hər zaman bir yerdə olan, böyüyən dostlar Samirin toyunu görmək istəyirdilər, amma...
“İndi sən yoxsan, hər şeyimiz həmişəlik yarım qalacaq. Heyif indi səni torpağa tapşıracığıq. O qədər çox insan var ki ... Kaş ki, toyuna gəlsəydilər. Nə gərək var idi bu qədər insana .. Kaş sağ gələydin, ailə və dostların qarşılayaydı səni. Bir ömür qəlbizimdə, xatirlərmizdə yaşıyacaqsan. Hara getsək sən də yanımızda olacaqsan. Səni çox sevirik”.
Xatırladaq ki, avqustun 5-də Laçın rayonunda çətin relyefli ərazidə xidməti döyüş tapşırığını yerinə yetirərkən sıldırım qayalıqlardan qopan qaya parçası Azərbaycan Ordusunun müddətli həqiqi hərbi xidmət hərbi qulluqçuları əsgər Samir Səməd oğlu Xudiyev və əsgər Əliyev Tahir Çingiz oğlunun üzərinə düşüb. Hadisə zamanı hər iki əsgər şəhid olub.
Ləman Abbaslı