Ağdam xəstəxanasında baş verən kütləvi zəhərlənmə kimin məsuliyyətindədir? - İTTİHAMLAR VƏ SƏBƏBLƏR – Qurumdan AÇIQLAMA - ednews.net

30 Sentyabr, Cümə

(+994 50) 229-39-11

Ağdam xəstəxanasında baş verən kütləvi zəhərlənmə kimin məsuliyyətindədir? - İTTİHAMLAR VƏ SƏBƏBLƏR – Qurumdan AÇIQLAMA

Cəmiyyət A- A A+

Xəbər verdiyimiz kimi bu gün Ağdam Rayon Mərkəzi Xəstəxanasında dezinfeksiya işləri aparılan zaman tibb işçiləri arasında kütləvi zəhərlənmə baş verib. Hazırda klinikanın 12 işçi hazırda xəstəxanada müalicə olunur. 

Sözügedən təmizlik vasitələrinin, xlorlu məhsulların, eləcə də ağardıcı və yuyucu tozların orqanizmimizə təsiri hansı formada olur? Zəhərlənmənin baş vermə ehtimalı necədir?

Toksikoloq Azər Maqsudovun sözlərinə görə, burada diqqət edilməli bir neçə məqam var.

“Zəhərlənmə, sanitar epidemoloji rejimin pozulması ya da dezinfeksiya zamanı tibbi ləvazimatlardan düzgün istifadə edilmədikdə baş verir. İstifadə olunan xlor tərkibli dezinfeksiya məhsulları zəhərlənməyə daha çox səbəb olur. Ümumiyyətlə dezinfeksiya olunan zaman ərazidə heç kim olmamalıdır, ya da iş zamanından bir neçə saat əvvəl bu proses həyata keçməlidir”.

Bəs xlorlu maddələrdən zəhərlənmə hansı formada reaksiya verir? İlkin tədbirlər nədir? Azər Maqsudov bu məqama da toxunub.

“Bu insan bədəninin həssaslığından asılı olaraq dəyişir. Əsasən allergik reaksiya verir. Əvvəl qaşınma, gözlərin sulanması, ağız boşluğundan seliyin gəlməsi kimi hallar yaşanır. Vəziyyət kəskinləşmədən həmin şəxsi dərhal oradan uzaqlaşdırmaq lazımdır. Belə hallarda qatıq, ayran və su qəbul etmək mənasızdır, bu ancaq vaxt itkisidir. Hətta bu əks təsir belə göstərə bilər”. 

Məsələ ilə bağlı Ednews-a açıqlamasında TƏBİB-in mətbuat katibi Zamirə Ədilova bildirib ki, Ağdam Rayon Mərkəzi Xəstəxanasında dezinfeksiya işlərini müəyyən qurum həyata keçirib. 

“Ümumiyyətlə bütün dezinfeksiya işləri Respublika Gigiyena və Epidemiologiya Mərkəzi tərəfindən həyata keçirilir. Hər zamanki kimi Ağdam rayon xəstəxanasında aparılan prosesdə oranın heç bir personalı iştirak etməyib. Orada da dezinfeksiya işlərini adı çəkilən qurumun işçi personalı həyata keçirib”. 

Onu da qeyd edək ki, iddialara görə zəhərlənməyə Respublika Gigiyeniya və Epidemilogiya mərkəzinin dezinfeksiya personalının məsuliyyətsizliyi səbəb olub. Səhiyyə Nazirliyinin mətbuat xidmətindən Elvin Hacıyevsə bildirib ki, məsələ ilə bağlı araşdırma aparılır. 

“Hazırda prokurorluq araşdırma aparır. Hüquq mühafizə orqanları nəticəni ictimaiyyətə açıqlayacaq”.

Xatırladaq ki, zəhərlənənlərin müalicəsi davam etdirilir.

Ləman Abbaslı



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...