“Selektiv abort qadına və onun sağlamlığına, doğulmayan qız uşaqlarına qarşı zorakılıqdır. Eyni zamanda ailədaxili münasibətlərdə yaranan problemlərdən biri də uşaqların cinsi ayrı-seçkiliyə məruz qalmasıdır”.
Bu sözləri Ednews - a açıqlamasında Milli Məclisin deputatı, Ailə, qadın və uşaq məsələləri komitəsinin sədri Hicran Hüseynova bildirib.
Azərbaycanın dünyaya gələn uşaqların selektiv abortuna ilk pillələrdə qərarlaşması ilə bağlı söz-söhbətlərə münasibət bildirən Hicran Hüseynova qeyd edib ki, hazırda doğulan uşaqların cinsi nisbətinin pozulması dünyanın bir sıra ölkələrində müşahidə edilir.
“Məlumat üçün qeyd edim ki, hamiləliyin süni şəkildə pozulması inkişaf etmiş ölkələrdə il ərzisində 20 milyon, inkişaf etməkdə olan ölkələrdə isə il ərzində 182 milyondur. Uşaqların cinsi nisbətinin pozulması əvvəllər o qədər də hiss olunmayan problem olmasına baxmayaraq, hazırda bu cəmiyyəti düşündürən məsələlər sırasında dayanır. Fikir verin, 1993 - ci ildə əhalinin 48.18 % - i kişi , 51.12 % - i isə qadın olub. Son 29 ildə kişilərin sayı sürətlə artaraq əhali arasında cinsi nisbət demək olar ki, bərabərləşib. Belə ki, hazırda əhalinin 49.19% - i kişilər, 50.01 % i isı qadınlar təşkil edir”.
Deputatın sözlərinə görə, ailədə əsasən kişinin, qaynananın və qaynatanın istəyinə görə, doğulan uşaqlar arasında cins nisbətinin pozulması demoqrafik prosesin, əhalinin cinsi strukturunun, cəmiyyətdə gender balansının pozulmasına gətirib çıxara bilər.
“Hər bir insan onun cinsindən, etnik və dini mənsubiyyətindən asılı olmayaraq yaşamaq hüququ vardır. Lakin çox təəssüflər olsun ki, bəzən məlumatsızlıqdan doğan fikirlər səbəbindən qızların yaşamaq hüququ doğulmamış əllərindən alınır”.
Selektiv abortun aradan qaldırılması istiqamətində görülən tədbirlərdən danışan Hicran Hüseynova Azərbaycan hökumətinin digər sahələrdə olduğu kimi bu sahədə də milli qanunvericiliyə malik olduğunu, eləcə də Azərbaycanın Analığın Mühafizəsi haqqında konvensiyaya qoşulduğunu bildirib.
“Milli Məclis tərəfindən əhalinin sağlamlığı haqqında qanun qəbul olunub. Həmin sənəddə göstərilir ki, hər bir qadının analıq barəsində məsələsini təkbaşına həll etmək hüququ var. Bundan əlavə, cinayət məcəlləsində qanunsuz abort etmə ilə bağlı xüsusi məsuliyyət müəyyən edilib. Lakin bu selektiv aborta şamil edilməyib. Ölkədə bu problemin qarşısının alınması istiqamətində bir sıra dövlət qurumları - Ailə, Qadın və Uşaq Problemləri üzrə Dövlət Komitəsi, Əmək və Əhalinin Sosial Müdafiəsi Nazirliyi, Gənclər və İdman Nazirliyi, BMT-nin Əhali Fondu və bir sıra vətəndaş cəmiyyətləri ilə birlikdə müxtəlif layihələr həyata keçirilir”.
Hicran Hüseynova Azərbaycan Prezidenti İlham Əliyevin də bu sahəyə xüsusi diqqət yetirdiyini də nəzərə çatdırıb.
“Cənab Prezident tərəfindən bir çox dövlət proqramları imzalanıb. Bu proqramların əsas priotetləri hamiləliyin süni sürətdə pozulması, selektiv abortların qarşısının alınması istiqamətində ciddi tədbirlərin görülməsi, xüsusilə də maarrifləndirmə işlərinin aparılmasıdır. Bununla bərabər, Nazirlər Kabinetinin sərəncamı ilə uşaqların doğulanadək cins seçiminin qarşısının alınmasına dair 2020-2025-ci illər üçün Tədbilər Planı təsdiq edilib. Tədbirlər planı əsasən gender bərabərliyinin və reprodaktiv sağlamlıq sahələrində qanunvericiliyin təkmilləşdirilməsi ilə əlaqədar təkliflərin hazırlanması nəzərdə tutulur”.
Sonda H.Hüseynova ailə institutunun gücləndirilməsini vacib hesab edir.
“Qadın və uşaq hüquqlarının və imkanlarının təmin edilməsi istiqamətində ciddi işlərin görülməsi davam etdirilir. Problemin aradan qaldırılması üçün maarifləndirmə tədbirlərinin geniş şəkildə aparılması və sahiyyə xidmətlərinin daha da inkişaf etdirilməsi önəmlidir”.\
Yunis Abdullayev
