Bu dövlət orqanlarındakı VAKANT VƏZİFƏLƏR - ednews.net

27 Sentyabr, Çərşənbə axşamı

(+994 50) 229-39-11

Bu dövlət orqanlarındakı VAKANT VƏZİFƏLƏR

Cəmiyyət A- A A+
İyulun 13-də elan olunmuş ümumi müsahibələrin keçirilmə qrafiki müəyyən edilib. Elan üzrə 20 dövlət orqanında mövcud olan 73 vakant vəzifə ümumi müsahibəyə çıxarılıb.
 
Bu barədə Ednews-a Dövlət İmtahan Mərkəzindən (DİM) məlumat verilib.
 
Bildirilib ki, elana çıxarılan vəzifələr üzrə qeydiyyatdan keçmiş 174 namizədlə 177 müsahibənin keçirilməsi planlaşdırılır.
 
Ən yüksək müsabiqə müraciəti Dövlət Xəzinədarlığı Agentliyi, Dövlət büdcəsinin uçotu və hesabatı şöbəsi, Kassa əməliyyatları və xərclərin uçotu sektoru, aparıcı məsləhətçi (1 vakant yer üzrə 19 namizəd) üzrə yaranıb.
 
Müsahibələrin avqustun 29-dan sentyabrın 29-dək olan dövrdə keçirilməsi planlaşdırılır.
 
Qeydiyyatdan keçmiş namizədlər müsahibənin vaxtı və yeri haqqında daha ətraflı məlumatı DİM-in saytından əldə edə bilərlər.
 
Nəzərə almaq lazımdır ki, müsahibələrin təşkili və keçirilməsi üçün DİM və dövlət orqanları tərəfindən kifayət qədər vəsait və resurslar sərf olunur. Mərkəz namizədlərin diqqətinə çatdırır ki, onların müsahibədə iştirak etməmələri üzrlü hal kimi qəbul edilmir.
 
Namizədlərin məsuliyyətsizliyi kimi xarakterizə edilir və belə hallar Mərkəzin məlumat bazasında qeydiyyata alınır.
 
Namizəd müsahibənin keçirilmə tarixindən bir gün əvvəl saat 16:00-dək müsahibələrin keçirilmə qrafikində şəxsi kabinetinin nömrəsini seçib açılan müraciət formasında “İMTİNA” düyməsini basmaqla müsahibədə iştirakdan imtina edə bilər.
 
Müsahibədə üzrlü səbəblərdən iştirak etməyən namizədlə həmin vakant vəzifə üzrə (elan edilmiş cari müsahibə üzrə) yeni müsahibənin təşkili yalnız müvafiq təsdiqedici sənəd nəzərə alınmaqla həyata keçirilə bilər.
 
Namizədlərdən müsahibənin başlanma vaxtından ən azı 30 dəqiqə əvvəl müsahibələrin keçiriləcəyi binaya yaxınlaşmaları xahiş olunur.


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...