Fövqəladə hallar naziri Kəmaləddin Heydərov şimal rayonlarında baş verən yanğınla bağlı əməliyyat müşavirəsi keçirib.
Ednews bizim.media-ya istinadən xəbər verir ki, müşavirədə Quba, Şabran, Xaçmaz, Siyəzən İH başçıları və nazirliyin aidiyyəti qurumlarının rəhbərləri iştirak ediblər.
Nazir çıxışında şimal bölgəsində - Quba, Xaçmaz, Şabran, Siyəzən rayonlarında 4000 hektar sahə yandığını deyərək, rayon rəhbərlərinə yanğınla mübarizədə FHN əməkdaşları ilə birgə yaxşı işlədiklərini deyib.
O, meşələrin bərpası və təmizlənməsi üçün hələ görüləcək işlərin çox oldugunu deyib.
Siyəzən İH başçısı Novruz Novruzov nazirliyin yanğınsöndürənlərinin bölgədə çox çətin şəraitdə operativ işlədiklərini diqqətə çatdırıb.