Avropa İttifaqının maliyyə yardımı, UNİCEF-in Azərbaycan Nümayəndəliyinin və ANAMA-nın dəstəyi ilə PSTM layihəsini həyata keçirən “DAYAQ” QHHYT-nin regional koordinatorlarının maarifləndirmə tədbirləri həyata keçirilib.
Ednews xəbər verir ki, tədbir çərçivəsində Zəngilan rayonunun Ağalı kəndindən məcburi köçkün düşərək Beyləqan rayonununda məskunlaşan və Ağalı kəndinə qayıtmağa hazırlaşan 3 ailə ilə görüş təşkil olunub.
1-ci ailə - Beyləqan rayonunun Yeni Mil qəsəbəsində kərpic evdə məskunlaşan Rzayev Sahil Mirzə oğlunun ailəsi olub. 4 nəfərdən ibarət olan ailə maldarlıqla məşğuldur. Ailə başçısı Rzayev Sahil 1982-ci il, həyat yoldaşı Əliyeva Məlahət isə 1984-cü ildə anadan olub.
Övladı- Rzayev Röyal 2005-ci il təvəllüdlüdür. XI sinifdə oxuyur.
Övladı- Rzayev Tural 2008-ci il təvəllüdlüdür. IX sinifdə oxuyur.
Eyni zamanda ailədə qonaq olan 2 nəfər yerli sakin də (1992-ci il təvəllüdlü Əliyeva Kifayət və 1984-cü il təvəllüdlü Əliyeva Dürdanə) maarifləndirmə tədbirində iştirak edib.
2-ci ailə - 4 nəfərdən ibarət Rzayev Sarvan Mirzə oğlnun ailəsi olub. Onlar Beyləqan rayonunun 2-ci Şahsevən kənd ərazisinə daxil olan mal yatağında məskunlaşıb.
Ailə başçısı Rzayev Sarvan 1986-cı il təvəllüdlüdür.
Həyat yoldaşı-Muradova Rübabə İbrahim qızı, 1973-cü il təvəllüdlüdür. Maldarlıq və əkinçiliklə məşğuldur.
Anası-Əliyeva Xuraman Orduxan qızı, 1964-cü il təvəllüdlüdür. Təsərrüfat işləri ilə məşğul olur.
Övladı- Rzayeva Zəhra Sarvan qızı, 2022-ci ilin aprel aynda anadan olub. 4 aylıqdır.
3-cü ailə - Rzayeva Sevinc Mirzə qızı – Beyləqan rayonu 1-ci Şahsevən ərazisində inzibati bina olan sahə evində məskunlaşıb.
Ailə başçısı –Rzayeva Sevinc Mirzə qızı 1984-cü il təvəllüdlüdür. Təsərrüfat işləri ilə məşğul olur.
Qızı- Muradova Səmayə Sıftər qızı 2005-ci il təvəllüdlüdür.Mingəcevir Tibb Kollecində oxuyur.
Qızı- Muradova Aysun Səftər qızı 2010-cu il təvəllüdlüdür.VI sinifdə oxuyur.
Sakinlərlə mina və partlamamış hərbi sursatlarla bağlı maarifləndirmə üzrə ümumi söhbət və müzakirələr aparılıb, uşaqlarla mina təhlükəsini özündə əks etdirən oyunlar təşkil edilıb. Görüş zamanı 18 ədəd poster, 42 ədəd buklet, 45 ədəd stiker və 30 ədəd dəftər paylanıb.
Söhbət zamanı məlum olub ki, Ağalı kəndinə daha 727 nəfər sakinin köçürülməsi nəzərdə tutulur. Bununla əlaqədar Qaçqınların və Məcburi Köçkünlərin İşləri üzrə Dövlət Komitəsi kənd sakinlərinin sosial-iqtisadi, təhsil, özünüməşğulluq və məşğulluq səviyyəsinin müəyyən edilməsi, ehtiyaclarının qiymətləndirilməsi və mərhələli qayıdışla bağlı fikirlərinin öyrənilməsi məqsədilə sorğular keçirir.
Qaçqınların və Məcburi Köçkünlərin İşləri Üzrə Dövlət Komitəsi BMT-nın Qaçqınlar üzrə Ali Komissarlığı (QAK) ilə birgə pilot metodologiyalarla hazırladığı sorğular, üzbəüz mühasibələr, masa araşdırmaları və fokus qrup görüşləri kənd əhalisinin sıx məskunlaşdığı Bakı, Sumqayıt şəhərlərində, Abşeron və Beyləqan rayonlarında aparılır.
Sözügedən sorğulara 16–63 yaş aralığında olan şəxslər cəlb olunub.
Qeyd edək ki, yekun mərhələdə sorğuların nəticələri təhlil edilərək, əmək qabiliyyətli hər bir məcburi köçkünün bilik və bacarıqlarının təkmilləşdirilməsi, uyğun məşğulluq fəaliyyəti ilə təmin olunması üçün aidiyyəti qurumlarla birgə əmək yarmarkaları, işəgötürənlərlə görüşlər həyata keçiriləcək. Sorğuların bu ilin avqust ayı ərzində yekunlaşdırılması gözlənilir.