Şəhid və qazi övladları Şuşa təəssüratlarını bölüşüblər - ednews.net

1 Oktyabr, Şənbə

(+994 50) 229-39-11

Şəhid və qazi övladları Şuşa təəssüratlarını bölüşüblər

Cəmiyyət A- A A+

Qarabağın incisi Şuşa şəhərində üç gün davam edən, ölkənin bütün regionlarını əhatə etməklə 80 nəfər gəncin iştirak etdiyi “Xarıbülbül” şəhid və qazi övladlarının yay düşərgəsinin iştirakçıları öz təəssüratlarını bölüşüblər.

Gənclər Fondundan Ednews-a bildirilib ki, gənclər ilk dəfə şəhidlərimizin qanı və canı bahasına işğaldan azad olunan torpaqlara, Şuşaya ayaq basdıqlarına görə böyük qürur hissi keçirdiklərini bildiriblər. Hər biri sanki bu torpaqları atasının müqəddəs ruhu ilə birlikdə gəzdiklərini və Qarabağın tacı olan Şuşanın gözəlliklərinə şahid olduqca qəhrəman ataları ilə fəxr duyduqlarını ifadə ediblər. Gənclər bu il düşərgənin məhz Şuşada keçirilməsini böyük sevinclə qarşıladıqlarını, bu kimi düşərgələrdə tanış olduqları digər şəhid və qazi övladları ilə eyni taleyi paylaşdıqları üçün daha sıx dostluq əlaqələrinin yarandığını, asudə vaxtlarını daha maraqlı keçirdiklərini vurğulayıblar.

Qeyd edək ki, düşərgə müddətində gənclər üçün Şuşanın azad olunmasında qəhrəmanlıq göstərmiş Vətən müharibəsi qazilərinin iştirakı ilə görüşlər, şəxsi inkişafyönümlü təlim və seminarlar, intellektual oyunlar, müxtəlif özfəaliyyətlər, musiqi məclisləri, idman oyunları və panel müzakirələr keçirilib. Həmçinin hər qarışı əsrarəngiz abidə olan bu qədim Azərbaycan şəhərinin gözəlliklərini, tarixi abidələrini gənclərə yaxından tanıtmaq məqsədilə Şuşanın tarixi məkanlarına ekskursiyalar təşkil olunub, işğal dövründə şəhərin tarixi-mədəni irsinə qarşı erməni vandalizmi və işğaldan azad olunduqdan sonra şəhərdə aparılan bərpa-quruculuq işləri haqqında düşərgə iştirakçılarına ətraflı məlumat verilib.

Düşərgə Azərbaycan Respublikası Gənclər Fondunun dəstəyi, “Zəfər” Şəhid Ailələrinə Dəstək İctimai Birliyi və “Böyük Qayıdış” Gənclər Təşkilatının birgə təşkilatçılığı hər il ənənəvi olaraq təşkil olunur.



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...