“Paşinyanın Praqada verdiyi razılıq erməni xalqının xilası olacaq" - Umud Mirzəyev - ednews.net

8 Dekabr, Cümə axşamı

(+994 50) 229-39-11

“Paşinyanın Praqada verdiyi razılıq erməni xalqının xilası olacaq" - Umud Mirzəyev

Cəmiyyət A- A A+
“80-ci illərin sonunda Azərbaycanın ərazi bütövlüyünə qara əllər uzanmışdı.
Bu gün Ermənistan Azərbaycanın ərazi bütövlüyünü tanıdı, bu tarixi bir bəyanatdır. Paşinyanın Praqada verdiyi razılıq həm siyasi, həm də hüquqi cəhətdən çox əhəmiyyətlidir və bu erməni xalqının xilası olacaq ".
 
Bu sözləri Ednews-a açıqlamasında Beynəlxalq Avrasiya Mətbuat Fondunun prezidenti Umud Mirzəyev deyib. O, vurğulayıb ki, Azərbaycanın bütövlüyü və suverenliyi ölkənin bütün ərazilərinə aiddir.
 
“Təbii ki, bu, Azərbaycan dövlətinin, diplomasiyasının və dövlət başçısının müstəsna xidmətləridir, bu yüksək qiymətləndirilməlidir. Artıq ərazi bütövlüyü tanındıqdan sonra üçüncü qüvvələrin bu torpaqlarda olan missiyası da öz qüvvəsini itirir. Bu Azərbaycan dövlətinin həm də gücünü, qüvvətini göstərir. Artıq Avropa və Qərb dövlətləri də Azərbaycanın  fikri ilə hesablaşırlar. Bu həm də xalqımızın böyük nailiyyətidir. Buna görə Azərbaycan Prezidentinə, Müzəffər Azərbaycan ordusuna və xalqın həmrəyliyinin formalaşmasında xidməti olan hər kəsə təşəkkür düşür”.
 
Umud Mirzəyev həmçinin qeyd edib ki, bu qərar qara qüvvələri hərəkətə də gətirə bilər. 
 
“Qarşılıqlı sərhədlərin tanınması çox böyük tarixi hadisədir. Təbii ki, bu qərar seperatçı, revanşist qüvvələri qıcıqlandıracaq və buna görə onlar müəyyən bir təxribatlara da əl ata bilərlər. Lakin bununda bir sonu gələcək”. 
O, bildirib ki, ermənilər dəfələrlə sülh prosesinə maneələr törətsə də buna nail ola bilməyiblər.
 
“Ermənilər dəfələrlə, Qarabağın statusu məsələsini gündəmə gətirərək ATƏT-in Mİnsk qrupunun fəaliyyətini  bərpa etməyə çalışıblar. Lakin sonda hər zaman Azərbaycanın güclü iradəsi öz sözünü deyib”.
 
Sonda fondun prezidenti Qarabağda yaşayan erməni əsilli Azərbaycan vətəndaşlarından da danışıb. O, qeyd edib ki, Qarabağda yaşayan bütün insanlar birbaşa Azərbaycan vətəndaşlarıdır. 
 
“Prezident İlham Əliyev dünən bir daha xatırlatdı ki, Qarabağda yaşayan ermənilər bizim vətəndaşlarımızdır. Əlbəttə, bu da çox ciddi mesajdır. Erməni separatçı və silahlı qüvvələri dərhal və təcili olaraq, Azərbaycan ərazilərini tərk etməlidirlər. Digər Azərbaycan vətəndaşlığını qəbul edən insanlar isə bizimlə bərabərhüquqlu bu torpaqlarda yaşaya biləcəklər.  Azərbaycanda hər zaman müxtəlif xalqlar çox firavan və mehribanlıq içərisində yaşayıblar”.


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...