“Kirayə mənzillərin qiymətləri il-ildən artır. Hətta mənzil tapmaq da çətinləşir. Səbəbləri çoxdur. Bunlardan biri də 2016-cı ildən başlayaraq Nazirlər Kabinetinin 86 sayılı sərəncamı ilə pilot layihələrin tikintisinə start verildi. Pilot layihələrdə istismar müddətini bitirmiş çoxmənizlli yaşayış binlarının söküntüsü və yerində yeni tikilşmiş binalarla əvəzlənməsi prosesi olur”.

Bu sözləri Ednews-a Əmlak məsələləri üzrə ekspert Elnur Fərzəliyev kirayə mənzil bazarında artan qiymət artımı və  tələbələrin üzləşdiyi kirayə ev məsələləri ilə bağlı danışarkən bildirib.

“Artıq bu günə qədər xeyli sayda köhnə 2, 3, 4, 5 mərtəbəli binlar sökülüb yerini yeni tikililər əvəz edib. Binanın söküntü prosesi zamanı sakinlər yeni evlər təhvil verilənə kimi özləri məcburən 2 il yarım müddətinə qədər kirayə qalmalıdırlar. Yəni normlada 1 otaqlı xuruşovka və yaxud digər layihəli köhnə binadakı mənzili 250-300 manata tapmaq olurdusa həmin binalardakı 1 otaqlı mənzillər 500 manatdan başlayır. Əlavə olaraq kommunal xərcələri də əlavə etsək qiymət daha baha olur”.

Ekspert qeyd etdi ki, tələbələrin mənzil problemlərinin yaranmasında əsas səbəb tələbə yataxanalarının çox məhdud sayda olmasıdır.

“90-lara qədər tələbə yataxanaları vardı, lakin Birinci Qarabağ müharibəsindən sonra həmin yataxanalarda məcburi köçkünlər yerləşdirildi. Dövlət artıq məcburi köçükünlərin böyük bir hissəsini evlə təmin edib. Kompleks şəhərciklər tikib. Azad olunan torpaqlarımızda da tikinti işləri gedir. Yataxanaların demək olar böyük hissəsi boşalıb. Buna rəğmən yataxanalar yaşamaq üçün yararsız, qəzalı vəziyyətdədirlər. Köhnə yataxanaları söküb onların yerinə daha böyük, daha hündürmərtəbəli yataxanalar tikməklə bu problemləri nisbətən aradan qaldırmaq olar. Çünki hər il minlərlə tələbə təhsil almaq üçün paytaxta gəlirlər. Və bu da o deməkdir ki, minlərlə mənzil sırf tələbələr tərəfindən kirayələnir. Əgər onların ev problemi həll olunarsa paytaxtın kirayə mənzil bazarında yumşalma və qiymətlərdə enmələr baş verə bilər”.

Qeyd edək ki, Azərbaycanda bu ilin 3-cü rübündə mənzilərin dəyəri ötən ilin eyni dövrünə nisbətən 5,5 faiz artıb.

2022-ci ilin geridə qalan dövrü ərzində isə mənzillərin dəyəri 5,1 faiz yüksəlib. Bu dövrdə də ən yüksək qiymət artımı ilkin mənzil bazarında olub. İlkin mənzil bazarında bahalaşma 5,7 faiz, təkrar mənzil bazarında 5,1 faiz olub.