Bu ədviyyatlar sizi sağlam edəcək - SİYAHI - ednews.net

8 Fevral, Çərşənbə

(+994 50) 229-39-11

Bu ədviyyatlar sizi sağlam edəcək - SİYAHI

Cəmiyyət A- A A+
Xəstəliklərdən qorunmaq, immun sistemini gücləndirmək və ya sadəcə bədəninizə enerji vermək üçün ədviyyatlardan faydalana bilərsiniz.
Ədviyyatlar maddələr mübadiləsini sürətləndirir, toxluq hissi yaradır və çəkimizi nəzarət altında saxlamağa kömək edir.
Bəs hansı ədviyyatlar nə xüsusiyyətləri var? 
 
Ednews bu haqda kiçik araşdırmanı təqdim edir:  
 
Nanə  
 
Mədədə həzmsizliyi, ürəkbulanmanı və qazı azaltmağa kömək edir. Nanə həm də  stressi aradan qaldıran və rahatlaşdıran xüsusiyyətə malikdir. Soyuqdəymə və öskürəyə yaxşı təsir edən bu ədviyyat diş ağrısını aradan qaldırır və ağız qoxusunu azaldır. Yeməklərinizə dad qatmaq üçün nanədən istifadə edə bilərsiniz və ya ondan hazırlanan çay dəmləyə bilərsiniz.  
 
Zəncəfil 
 
Bir çay qaşığı üyüdülmüş zəncəfil bir stəkan ispanaqla eyni antioksidant səviyyəsinə malikdir! Zəncəfilin faydaları saysız-hesabsızdır: soyuqdəyməyə yaxşı təsir edir, bəlğəmgətiricidir, ürəkbulanmanı aradan qaldırır, immun sistemini gücləndirir. Revmatik ağrılara yaxşı gəlir və oynaq ağrılarını azaldır. Zəncəfilin sərt və şəkərli dadını tamamlamaq üçün onu təzə meyvə dilimlərinin üzərinə səpərək və ya soyuq qatıq, dondurma kimi qidalarla qarışdıraraq istifadə edə bilərsiniz.  
 
Rozmarin  
 
Rozmarin faydalarını saymaqla bitməyəcək ədviyyatlardan biridir. Rozmarinin tərkibindəki komponentlər orqanizmdəki iltihabları sağaltmağa kömək edir və bir çox xroniki xəstəliklərin riskini azaldır. Ürək sağlamlığı üçün də faydalı olan rozmarin baş ağrılarını aradan qaldırmağa və konsentrasiyanı artırmağa da kömək edir.
 
Siz ət və ya pomidor sousunun marinatlamaq üçün rozmarindən istifadə edə və ya tortlara və ya taxıllı çörəklərə əlavə edə bilərsiniz.    
 
      
Darçın
Yulaf və alma kimi qidalarla yaxşı qarışım təşkil edən darçının sağlamlıq üçün faydaları saymaqla bitmir. Araşdırmalar göstərir ki, darçın diabet xəstələri üçün çox faydalı ədviyyatdır. Şəkərli diabetdə təsirlidir. Darçın qanda insulin hormonunu stabilləşdirir, bu səbəblədə insansa şirni istəyini dəf edir. Bunun üçün də yeməklərinizi və içdiyiniz suyu darçınla dadlandırın.
Bundan əlavə darçın mədə xəstəlikləri və mədə ağrılarında çox təsiredici gücə malikdir. O həmçinin pis qoxuları, ishal və öskürəyi müalicə etməyə kömək edir. Orqanizmin müqavimətini artırır, soyuqdəymə və qripə qarşı gücləndirir.  
  
 
 
Ayan Rzayeva


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...