Beynəlxalq Avrasiya Mətbuata Fondunun BMT-nin Cenevrə ofisindəki nümayəndəsi Osman Əl-Hacc Cenevrədə keçirilən BMT-nin Silahsızlanma Konvensiyasının tərəflərinin 20-ci sessiyasının hesabatını açıqlayıb.
Ednews xəbər verir ki, o, qeyd edib ki, 21 noyabr tarixində Fransa mətbuatı Azərbaycan və Ermənistan arasında baş verən son toqquşmalar barədə məlumat dərc edib. Avropa mətbuatı sərhəddə baş verənləri daima diqqətdə saxlayır, lakin onlar məsələyə erməniləri müdafiə edərək baxır.
Daha sonra nümayəndə digər məsələlər haqqında da qısa xülasə verib:
“Silahsızlanma Konvensiyasının tərəflərinin 20-ci sessiyasına gəlincə, qeyd edim ki, hər iki ölkə Azərbaycan və Ermənistan konvensiyanın iştirakçısı olmadığı üçün onların dialoqları da məhdudlaşdırılır. Bu da onu deməyə əsas verir ki, iclasda bu haqda qəbul edilən qərarlar düzgün deyil.
Bundan başqa qeyd edim ki, 20-ci sessiyada iştirak edən Azərbaycan nümayəndə heyəti bu gün ölkənin mübarizə apardığı mina problemi haqqında çox geniş açıqlama ilə çıxış etdi. Onlar sessiyada minalanmış torpaqlar, həlak olan və yaralanan vətəndaşlar haqqında geniş məlumat veriblər. Həmçinin onlar qeyd ediblər ki, erməni hərbçilərin basdırdıqları minalara görə, minlərlə məntəqələr, yaşayış yerləri də dağılıb.
Bu gün Azərbaycan hökuməti minadan çirklənən torpaqları təmizləmək üçün əllərindən gələni edirlər. Ermənilər dəfələrlə söz versələr də mina xəritələri hələ də Azərbaycan tərəfinə təqdim edilməyib, bu da işləri daha çətinləşdirir və təhlükəli edir.
Onu da qeyd edim ki, nitq üçün ancaq 5 dəqiqə verilən zaman çərçivəsində çıxış etməyə icazə verilirdi”.
Bundan başqa o sessiyada müzakirə edilən digər məsələlər barədə qısa xülasə təqdim edib:
“İclasda idarənin fəaliyyətinin maliyyələşdirilməsi məsələsinə çox diqqət yetirilib. Bundan başqa bir çox dövlətlər bir müddətdir ki, Oslo Konvensiyasının 5-ci maddəsi ilə tələb olunan tənzimləyici hesabatı təqdim etmədikləri üçün o məsələdə ciddi müzakirəyə çıxarılıb.
20-ci sessiyanın sonunda Konvensiyanın dörd komitəsində yer alacaq yeni üzv dövlətləri seçilib.
Qurbanlara Yardım Komitəsi: Sloveniya və Zambiya
Konvensiyanın Tətbiqi üzrə Komitə: Kolumbiya, İsveç.
Əməkdaşlığın və Yardımın Gücləndirilməsi Komitəsi. Əlcəzair, Yaponiya.
Əməkdaşlıq Komitəsi: Norveç, Cənubi Afrika.
Səfir Tomas Göbel 2023-cü il noyabrın 20-dən 24-dək Cenevrədə keçirilən Tərəflərin 21-ci Sessiyasının prezidenti seçilib.
Oğuz Ayvaz