Mətbəximizdən və süfrələrimizdən əskik olmayan sarımsaq təbiətin bizə bəxş etdiyi təbii müalicə vasitələrindən biridir. Faydaları saysız-hesabsız olan sarımsaq yeməklərə də xüsusi, zərif tam verir.  

Ednews xəbər verir ki, bədəndəki iltihablı xəstəliklərə qarşı da antibiotik təsiri olan bitki huşsuzluq problemini də aradan qaldırır. Zehni canlı tutan sarımsaq sidikqovucu xüsusiyyəti ilə yüksək təzyiqə də yaxşı gəlir. Qış xəstəliklərində sağalma prosesini minimuma endirən sarımsaq bağırsaqların nizamlı işləməsini təmin edir. O həm də bağırsaq qurdlarının azalmasına səbəb olur. Kalsium, kükürd, E vitamini, selenium, B qrupu vitaminləri kimi sarımsaq da saçları gücləndirirərək tökülmənin qarşısını alır.

Yuxarıda qeyd etdiyimiz minlərlə faydanı ehtiva edən sarımsaq unla birləşdirildikdə isə ləzzətli şorbaya çevrilir.

Hazırlanması ən çox 10-15 dəqiqə çəkən sarımsaqlı un şorbası dadı və faydaları ilə hər zaman ön sıralarda gedir.  Qış aylarında bu şorbanı içsəniz, soyuqdəymədən uzaq ola bilərsiniz.

Beləliklə, sarımsaqlı un şorbası necə hazırlanır, hansı ərzaqlardan istifadə olunur?

Lazım olan ərzaqlar: 

1 stəkan un

1 xörək qaşığı kərə yağı

2 qaşıq zeytun yağı

2 diş sarımsaq

6-7 stəkan qaynar su

 bir dəstə cəfəri

1 çay qaşığı qara bibər, duz.

Hazırlanması:

Kərə və zeytun yağı əlavə olunmuş qızğın tavaya unu bir az qovururuq. Ardınca bu qarışığa əvvəlcədən rəndələnmiş sarımsağı əlavə edirik.

Daha sonra una su əlavə edərək vam odda qaynayana qədər qarışdırmağa davam edirik. Qaynamağa başlayanda ocağın altını azaldırıq. Sonra qara bibər və duz əlavə edərək qarışdırmağı dayandırırıq. Bu proseslər bitdikdən sonra qazanın qapağını bağlayaraq 10 dəqiqə daha bişiririk.

Üzərini örtdüyünüz şorbaya xırda doğranmış cəfəri, qırmızı bibər tozu ilə əridilmiş kərə yağı əlavə edib süfrəyə verə bilərik.

Nəzrin Beydiyeva