Dünyada yeni yoluxucu xəstəlik riski həmişə var.
Koronavirus pandemiyası oyun deyildi, tarixdə belə epidemiyalar həmişə olub və gələcəkdə də olacaq.
Hər il dekabrın 31-i əksər dünya ölkələrində olduğu kimi Azərbaycanda da Yeni il bayramı kimi qeyd olunur. Yeni il bayramına artıq sayılı günlər qalıb.
Məşhurlar 2023-cü ildən gözləntiləri nələrdir? Ednews bu bardədə sorğu keçirib. Cavabları təqdim edirik.
Xalq yazıçıs Anar Rzayev:
“Bu il ən əlamətdar hadisələrdən biri də Ulu öndərin 100 illiyi olacaq. Azərbaycan Yazıçılar Birliyi həmin yubileyə hazırlaşır. Yazıçılar Birliyinin bir çox tədbirləri nəzərdə tutulur. Əsas da odur ki, əmin-amanlıq ili olsun, sülh müqaviləsi bağlansın, Zəngəzur dəhlizi açılsın”.
Milli Məclisin deputatı Aqil Abbas:
“2023-cü ildə Azərbaycan Qarabağa nəzarəti ələ keçirəcək. Xankəndindən əlavə digər bölgələrdə də nəzarətimizi həyata keçirəcəyik”.
Xalq artsiti Nurəddin Mehdixanlı:
“2023-cü il ümumiyyətlə, türk dünyası ilə bağlı özəl bir il olacaq. Düşünürəm ki, Azərbaycan üçün çox maraqlı hadisələrlə bağlı bir il olacaq. Ən azı dövlət başçısının Qərbi Azərbaycanlıların icması ilə bağlı söylədiyi fikir 2023-cü il üçün proqnoz xarakteri daşıyır. Ona görə düşünürəm ki, 2023-cü il həm də Qarabağ üzərində, Qarabağın bütün yaşayış məskənləri üzərində Azərbaycan suverenliyinin bərpası ili olacaq. Bugün sülhməramlı deyilən qüvvələrin nəzarəti altında olan yaşayış məskənləri Xankəndi, Xocalı bütövlükdə Qarabağ Azərbaycanın tamamilə nəzarətində olacaq. Həm də Zəngəzur dəhlizinin açılışı ili olacaq və eyni zamanda Azərbaycanın hərbi, siyasi, iqtisadi mənada bir sıçrayışı olacaq. Bundan ötrü bizim bütün imkanlarımız var. Birləşmiş bütöv yumruğa söykənmiş xalq var. O xalqın iradəsinin təmsilçisi, Ali Baş Komandanımız, dövlət başçımız var. İnanıram ki, 2023-cü ildə bütün problemlərimizi həll edəcəyik.
Azərbaycan Xalq Partiyasının sədri Pənah Hüseyn:
“Dünya xaos dövrünü yaşayır və bizdə həmin xaosun içindəyik. Hər bir xaosun özünə uyğun qanunauyğunluqları var. Mən belə hesab edirəm ki, Azərbaycan daha da güclənmiş halda bu xaosun içindən çıxacaq.
Aynurə Mustafayeva