Yeni il və 31 dekabr Dünya Azərbaycanlılarının Həmrəylik gününə sayılı günlər qalıb. Bir çoxları bayramı bölgələrdə və xarici ölkələrdə qeyd etməyi sevir.
Ednews Milli Məclis deputatlarının bayramı harda keçirəcəyi ilə bağlı sorğu keçirib. Sorğunun cavablarını təqdim edirik:
Sabir Rüstəmxanlı:
“Xüsusu bir planım yoxdur. Evdə olacağam. Yanvarın 1-də dağa getməyi qərarlaşdırmışam. Gözlənilməz bir iş çıxmasa”.
Fəzail Ağamalı:
“Bayramı Bakıda, vətəndə qeyd edəcəm. Yeni ili evimdə ailəmlə keçirəcəm. Bu bizim dəyişilməz ənənəmizdir”.
Aqil Abbas:
“Mən bütün bayramları, o cümlədən də Yeni ili ailəmlə evimdə keçirirəm. Bu, həmişə belə olub, belə də olacaq. Bayramı adam evində keçirər”.
Aydın Mirzəzadə:
“Yeni ili Bakıda, ailəmlə keçirəcəm. Dostlarımı təbrik edəcəm. Onlardan təbrikləri qəbul edəcəm. Eyni zamanda Mingəçevir seçicilərinə öz təbriklərimi göndərəcəm. Bundan başqa seçildiyim dairəyə, Mingəçevirə getmək, qəbul keçirmək, bəzi imkansız ailələrə baş çəkərək, onların problemlərinə qayğı göstərmək fikrindəyəm. Bayram üçün xüsusi planım yoxdur. Həmişə ailəmlə keçimişəm və bu dəyişilməz olaraq qalacaq”.
Fatma Yıldırım:
“Bakıda öz evimdə ailəmdə keçirəcəm. Demək olar ki, hər il bu cür qeyd edirik. Hesab edirəm ki, yeni ili ailənlə birlikdə qeyd etmək daha yaxşıdır. Hələ ki, harasa getməklə bağlı planımız yoxdur, heç vaxt da olmayıb”.
Zahid Oruc:
“Xüsusi bir planım yoxdur. Yeni ili Bakıda qeyd edəcəm. 2023-cü ilin xalqımız və dövlətimiz üçün uğurlu olmasını arzu edirəm”.
Oğuz Ayvaz