Tanınmış aparıcı Rövşən Binnətli İdman TV-də direktor vəzifəsinə təyin olunub. "Azərbaycan Televiziya və Radio Verilişləri” Qapalı Səhmdar Cəmiyyətinin sədri Rövşən Məmmədov yeni təyinatla bağlı əmr imzalayıb.
Bu barədə məlumatı Ednews-a "Azərbaycan Televiziya və Radio Verilişləri” Qapalı Səhmdar Cəmiyyətinin mətbuat xidmətindən bildirilib.
Qeyd edək ki, bu təyinata qədər R.Binnətli adıçəkilən televiziyanın direktor müavini idi və direktor vəzifəsini icra edirdi.
Qeyd edək ki, Rövşən Binnətli əvvəllər CBC Sport kanalında Xəbərlər Departamentinin şef redaktoru vəzifəsində çalışıb. O, 2020-ci ildə İdman TV-nin direktor müavini vəzifəsinə təyinat almışdı.