Cəmiyyətimizdə yeniyetmələrin aqressiv təbiətli olduğunun şahidi oluruq. Son günlər məktəblərdə yeniyetmələr arasında baş verən müəllim şagird münasibətləri də bunu təsdiq edir. Bəs bunun səbəbi nələrdir? Yeniyetmələrin bu xarakterdə yetişməsinin qarşısını necə almaq olar?
Ednews-a danışan psixoloq Tariyel Faziloğlu aqressiv reaksiyaları 2 amillə qiymətləndirib.
“Birincisi təbii fizioloji səbəbdir. Hormonal aktivlik müəyyənləşir. Bədənin sinir sistemini yükləyir. Bu yüklənmə yeniyetmələrin təsdiq ehtiyacı yaradır ki, bu halda onlarda aqressiv hal yaradır.
İkincisi isə yeniyetmələrin bugünləri daha çox aqressiv olmalarının kökündə asıllıqlarıdır. Telefon asıllıqları, sosial məntiqin formalaşmaması onlarda aqressiyya yarada bilir. Asılılıq və hormonal aktivlik birləşməsi bugün daha dəhşətdir”.
Psixoloq onu da qeyd etdi ki, aqressiyanın qarşısının almaq üçün ilk növədə maarifləndirmə işi aparılmalıdır.
“Bugün Azərbaycan “boloniya”, “kurikulum” sistemi adı altında tamamilə rasional təhsilə fokuslanıb. Bu da sırf rasional inkişafa meyillidir. Bu halda yeniyetmələrin emosional inkişafının qarşısını alır. Amma insanları emosional inkişafa yönəltmək onların inkişaflarında böyük rol oynayardı. Təəssüf ki, biz ondan tamamilə imtina etmişik. Bugün Azərbaycanın istifadə etdiyi rasional mərkəzli təhsil sistemi 60-cı illər Amerika metodur. Türkiyə onu mənimsəyib, biz də onlardan mənimsədik. Bugün kurikulum və rasional sistem bizim təhsil sistemimizi daha da geri çəkir. Eyni zamanda da yeniyetmələrdə aqressiya artır. Nəzərə alsaq ki, bu günki, yeniyetmə həm də abituryentdir, rasional təhsil sistemin əsirinə çevrilib. Bütün günü repetitor yanında olduğu üçün, yeniyetmələrdə sinir pozğunluqları yaranır”.
Sonda T.Faziloğlu onu da qeyd etdi ki, valideynlərin üzərinə çox şey düşür.
“Valideyn övladı ilə daim ünsiyyət də olmalıdır. Yeniyetmələrin emosional inkişafı 2-ci plana atılır. Bu hallar gələcəkdə yeniyetmələri həm fiziki həm də psixi tramvalar və zədələnmələrə gətirib çıxaracaq”.
Aynurə İsmayılqızı