Ermənistan vətəndaşlarının 29 faizi Laçın yolunun “bağlanmasında” Ermənistan hakimiyyətini (Paşinyan nəzərdə tutulur) günahlandırır.
Ednews xəbər verir ki, bunu “MPG/Gallup” Beynəlxalq Assosiasiyasının keçirdiyi sorğu sübut edir.
Mənbə qeyd edir ki, respondentlərin 42,5%-i rəsmi Bakını, üçdə biri (30,2%) isə buna görə Kremli günahkar sayır. 17,2% Türkiyənin səlahiyyətli orqanlarının, 12% Rusiya sülhməramlılarının, 8,3% Qarabağ separatçılarının “payına” düşüb.
Respondentlərin 9,8%-i bütün dövlətləri günahkar bilib, 4,5% cavab verməkdə çətinlik çəkib, 2,4% isə digər cavablar verib.
Xatırladaq ki, Laçın yolu ermənilərin iddia etdiyi kimi bağlı deyil. Hər gün buradan BQXK-nın və rus sülhməramlılarının 100-ə yaxın avtomobili keçir.