Pişiklərin və itlərin sonsuzlaşdırılması bu gün müzakirə olunan bir mövzudur. Bəzi heyvansevərlər emosional bir yanaşma ilə buna qarşı çıxırlar. Onların fikrincə bu heyvan sağlamlığı üçün zərərlidir.
Maraqlıdır həqiqətənmi, qısırlaşdırma əmaliyyatı heyvanlar üçün təhlükə mənbəyidir?
Məsələ ilə bağlı daha ətraflı danışan baytar həkim Adil Əsgərov Ednews-a açıqlamasında bildirib ki, qısırlaşdırma əmaliyyatı heyvan sahibinin istəyi ilə həyata keçirilir.
“Bildiyimiz kimi itlər və pişiklər, müəyyən yaş dövrlərinə çatdıqları zaman onlarda hormonal aktivliklər başlayır. Heyvanlar müəyyən aralıqlarla qızğınlıq dönəminə girir. Xüsusilə dişi pişiklər də bu hal daha qabarıq şəkildə özünü göstərir. Həm itlər, həm də pişiklər xoşagəlməz səslər çıxarırlar. Bu halda həm ətrafdakı insanları ciddi narahat edir. Ev heyvanların da evdən qaçmaq, hündürmərtəbələrdən tullanmaq istəyi yaranır. Tibbi tərəfdən yanaşdıqda isə irəliləyən yaş dövrlərində əsasən dişi heyvanlarda balalıq və yumurtalıqlarda müxtəlif çeşidli patalogiyalar, onkoloji problemlər, kislər və rast gəlinir. Bunun da qarşısının almağın ən rahat, unikal yolu qısırlaşdırma əmaliyyatıdır. Çünki qısırlaşdırma əmaliyyatından sonra balalıq və yumurtalıq olmadığından bu kimi xəstəliklərə, patalogiyalarada rast gəlinmir”.
Həkim həmçinin ona da qeyd edib ki, dişi it və pişiklərdə qısırlaşdırma yaşı demək olar ki, eyni yaşa təadüf edir.
“Həm itlərdə, həm pişiklərdə 6 və ya 7-ci aylardan etibarən qısırlaşdırmanı həyata keçirmək mümkündür. Bunun da əhəmiyyətli bir sıra səbəbləri var. Qısırlaşdırma əmaliyyatı icra olunan dişi heyvanlarda gələcəkdə süd vəzi xərçəngi yaranma şansı demək olar ki, sıfıra bərabərdir”.
Baytarın sözlərinə görə, erkək it və pişiklərdə qısırlaşdırma yaşı, dişilərdən fərqlidir. Erkəklərdə yaxşı olar ki, 1 yaş və onun üzəri yaş dövrlərində qısırlaşdırma işi həyata keçirilsin.
“Qısırlaşdırma əmaliyyatından sonra bir neçə gün ərzində heyvana həkim məsləhəti ilə antibiotiklər tətbiq olunur. Bu əmaliyyatdan sonrakı 2- 3 günü əhatə edir. Həmçinin əmaliyyatdan sonra yaxşı olar ki, heyvanlarınızı xüsusi marka və keyfiyyət də hazırlanmış dietik qidalarla qidalandırasız. Çünki əmaliyyatdan sonra ki, dövrdə heyvanların aktivliyində azalma müşahidə olunur. Bunun nəticəsi olaraq da heyvanlarda kökəlməyə meyilli olur. Bu yemlər həm kökəlmənin, erkəklərdə sidik sistemi ilə bağlı yarana biləcək problemlərin qarşısın alır”.
Aynurə İsmayılqızı
