Naxçıvan Muxtar Respublikasının blokada şəraitində olması nəzərə alınaraq, Naxçıvan qeydiyyatında olan Azərbaycan Respublikası vətəndaşlarının 15 gündən bir öz avtomobilləri ilə Türkiyəyə giriş-çıxışına şərait yaradılıb.
Ednews nuhcixan.az–a istinadən xəbər verir ki, Azərbaycanın başqa bölgələrində qeydiyyatda olan vətəndaşlarımız isə Türkiyədən Naxçıvana qayıdaraq öz yaşadıqları yerə gedə bilərlər.
Ümumilikdə, sərhədin tam açılmasından söhbət getmir.
Bəs hazırda Türkiyəyə gediş-gəliş necədir?
Naxçıvan televiziyası dünən gecə Sədərəkdəki gömrüyümüzdə olub.
Qeyd edək ki, 1 iyul 2022-ci il tarixindən Dövlət Sərhəd Xidməti (DSX) Nazirlər Kabinetinin müvafiq qərarına uyğun olaraq, Naxçıvan Muxtar Respublikası ilə Türkiyə arasında quru sərhədini bağlayıb.
Buna səbəb ölkəmizdə xüsusi karantin rejiminin 2023-cü il martın 1-dək uzadılmasıdır.
