Türkiyədə baş verən güclü zəlzələ Azərbaycanda da yeraltı təkanların olacağı barədə iddiaların yayılmasına səbəb olub. Cəmiyyət arasında gəzən şayiələr bir çox insanlarda panika yaradıb. Yayılan xəbərlərə görə, yaxın zamanlarda Azərbaycanda da bu təbii fəlakətin fəsadları tuğyan edəcək.
Maraqlıdır, Türkiyədə də zəlzələdən əvvəl bu haqda ilk olaraq astroloqlar xəbər verib.
Ekstrasens Səbuhi İmanov Ednews-a açıqlamasında bildirib ki, bu il Azərbaycanda bəzi təbii-fəlakətlər baş verəcək.
.jpg)
“Azərbaycanda zəlzələ, daşqın və güclü yanğınlar baş verə bilər. Lakin bu gün Türkiyə, Suriyada baş verən güclü zəlzələnin bu il Azərbaycanda olacağı gözlənilmir”.
Parapsixoloq həmçinin qeyd edib ki, buna baxmayaraq, il ərzində zamanla xırda təkanlar baş verə bilər.
“Amma bu təkanlar dağ ətəyi rayonlarında olacaq. Lakin bu Bakıda da yüngül hiss olunacaq. Əsasən zəlzələ Şamaxı və Qafqaz dağları ətrafında gözlənilir”.
O, qeyd edib ki, 2023-cü ildə Azəbaycanda ciddi zəlzələ gözləntisi yoxdur.
“Bu il Azərbaycan daha çox daşqınlardan əziyyət çəkə bilər. Dağ ətəyi bölgələrdə, kəndlərdə yağışlar nəticəsində daşqın baş verə bilər. Eyni zamanda yay aylarında isə güclü yanğınların olma ehtimalı var”.
Ayan Rzayeva
