Beynəlxalq Avrasiya Mətbuat Fondunun prezidenti Umud Mirzəyev Əl-Cəzirə media şəbəkəsinin İctimai Azadlıqlar və İnsan Hüquqları şöbəsinin direktoru Sami ƏlHacın doğum günü münasibətilə təbrik edib.
Ednews xəbər verir ki, Umud Mirzəyev bu barədə öz facebook hesabında paylaşım edərək əziz dostunu təbrik edib.
“Bu gün bizim əziz dostumuz, Əl-Cəzirə Media Şəbəkəsində İctimai Azadlıqlar və İnsan Hüquqları şöbəsinin direktoru Sami ƏlHacın doğum günüdür. Sami Əlhac dünyada söz azadlığının simvolu kimi tanınan nadir insanlardandır. O, qeyri-adi dözümlülüyü, güclü xarakteri və əfsanəvi bioqrafiyası ilə dünyada milyonların rəğbətini qazanıb“,- deyə o, bildirib.
Umud Mirzəyev ürək sözlərini bu sözlərlə bitirib:
"Hörmətli Sami, sizə bu gün və gələcək üçün ən yaxşısını arzulayıram. Sizə yalnız firavanlıq və cansağlığı ilə dolu gözəl bir il arzulayıram. Azərbaycandan ən xoş arzularla”.
Qeyd edək ki, Beynəlxalq Avrasiya Mətbuat Fondu artıq 10 ilə yaxındır ki, Əl-Cəzirə Media Şəbəkəsi ilə əməkdaşlıq edir.
