Ötən ay Türkiyədə baş verən dəhşətli zəlzələ nəticəsində 45 mindən çox insan ölümü qeyd alınıb. Qonşu ölkədə olan zəlzələ Azərbaycana da öz təsirini göstərib. Vətəndaşlar sosial şəbəkələrdə baş verən zəlzələ barəsində narahatlığa səbəb olan müzakirələr yaradıblar. Bu müzakirələr, əsasən, qorxu, həyacan, depressiya yönümlü olub.
Sözügedən məsələ ilə bağlı Bakı Şəhəri Təcili və Təxirəsalınmaz Tibbi Yardım Stansiyasına müraciət etdik. Qurumun əməliyyat işləri üzrə baş həkimin müavini Nuridə Fərzəliyeva bildirdi ki, təcili tibbi yardım xidmətinə müraciətlərdə kardioloji, nevroloji və psixoloji məsələlər üzrə artım olmayıb.
“Ola bilsin ki, vətəndaşlar özləri xəstəxanalara, həkimlərə müraciət edirlər. Amma təcilə yardıma bu kimi müraciətlərdə artım olmayıb. Çağırışlarımız həmişəki qaydada davam edir”.
Uzman Pediatr Dr. Gülnar Əzimova Ednews-a açıqlamasında qeyd edib ki, ötən ay Türkiyədə baş verən zəlzələ bizim ölkəyə də təsir edib:
“Videolara hər kəs baxır, bu da müəyyən qədər psixologiyaya təsir edir. İradəsi zəif olan insanların əksəriyyəti təbii ki, travma alırlar, depresiyaya düşürlər. Nə qədər çox izləyirlərsə, özlərinə, həyatlarına və yaşayış tərzlərinə təsir edir. Bu hadisədən sonra psixoloqa gələnlərin sayında artım olub. Bura müxtəlif yaş həddlərini demək olar. Müraciət edənlərin çoxu yuxu problemindən əziyyət çəkir.
O bildirib ki, əsasən, “yatıb, tez oyanırıq, yata bilmirik” , “gözümüzün qabağına görüntülər gəlir, qorxuruq zəlzələ olar”. “Ölərik kimi düşüncələr”i çox olur. Hətta yata bilməyənlər düşünənlərdə var ki, “birdən yatarıq zəlzələ olar, nə edərik”?
Psixoloqun sözlərinə görə, daha çox psixoloqa gələnlərdə artım gənc analarda rast gəlinir.
“Onların içlərində daim narahatlıq və qorxu olur. Uşaqlarına görə çox narahatlıq içində olurlar. Bununla yanaşı azyaşlılarda da artım var. Səbəbi isə məktəblərdə psixoloqların düzgün informasiya verməməsidir. Birdən-birə bu mövzuyla bağlı uşaqlara danışıblar. Uşaqlarda da qorxu və stress yaranıb. Valideynlərdə bizə müraciət edirlər ki, uşaqlar travma alır. Bu mövzularda olduqca, həssas olmaq lazımdır”.
Məsələ ilə bağlı Azərbaycan Tibb Universitetinin Cərahiyyə klinikasının İnvaziv Kardioloq Dr. Muxtar Museyibov da açıqlamasında söyləyib ki, son 1 ayda kardioloji sahədə canlanma hiss olunmayıb:
“Amma qeyd etmək istəyərdim ki, bizim xəstəliklər çox cavanlaşıb. Təqribən 10-15 il əvvəl 20-30 yaş arası və yaxud 30-40 yaş arası çox az xəstə görərdik. Lakin bu indi adi hala çevrilib. Ürək xəstələri hər gün artır. Bununla yanaşı bizə müraciət edən xəstələrin içində nevroloji xəstələr çoxdur. İndi müraciət edən xəstələr səhətində yaranan problemləri son hadisə ilə əlaqələndirmirlər. Daha öncədən olduğunu bildirirlər. Son hadisə ilə bağlı öz sahəmdə artım görmürəm. Lakin psixoloqların, nevropatoloqların və psixiatorların sahəsində canlanma var. Çünki bu son hadisələr, əsasən, psixolojidir”.
Aysel Şahmar
