Martın 15-də "Dog Doc" filminin təqdimat mərasimi keçirilib.
Ednews xəbər verir ki, Film “Varyox” komandasının təşkilatçılığı ilə hazırlanıb. Filmdə Azərbaycanda küçə itlərinin ümumi yaşayışı haqqında görüntülər əks olunub.
Tədbir filmin təşkilaçılarından olan Sitarı İbrahimbəyli və Fərid Mansurovun nitqi ilə başlayıb. Onlar bu filmin ərsəyə gəlməsi üçün çəkilən əziyyətlərdən bəhs ediblər. Daha sonra isə Bakıda xilas olunan küçə itlərinin və ABŞ-a aparılan itlərin yola salınmasından, tamaşaçılara bu itlərin kimdən, niyə və necə xilas olması ilə bağlı açıqlama veriblər. Təqdimat mərasimində bir sıra tanınmış simalar o cümlədən BMT nümayəndələri, səfirliklərdən nümayəndələr, aktyor Kamran Ağabalayev, naşir Şahbaz Xuduoğlu, aparıcılar Hüsniyyə Məhərrəmova və Fira Cəlilova, müğənni Dilarə Kazımova və digər tanınmış simalar iştirak ediblər.
Sənədli filmin qurucularından olan Sitarə İbrahimbəyli layihənin üzərində 3 ildir ki çalışdıqlarını bildirib.
“Hazırda çox həyəcanlıyam. Bu filmin ərsəyə gəlməsi üçün “Varyox” komandası ilə 3 ildir ki, çalışdıq. Bəzi hadisələrlə üzləşdik. Bu əslində mənim üçün çox həssas mövzudur. Bu sənədli film əslində bir duyarlılıq mesajıdır”.
Tədbir iştirakçıları sual cavab əsnasında bir sıra maraqlı məqamlara da toxunublar. Ən çox müzakirə olunan mövzulardan biri də qanunvericilikdə heyvanlarla rəhimsiz davranan, onlara işgəncə verən habelə onları əyləncə və kommersiya xarakterli istifadə edən şəxslərə qarşı cəzaların sərtləşdirilmsi olub.
Tanınmış teleaparıcı Firuzə Cəlilova isə təklif edib ki, bu mövzunu məktəblərdə layihə şəklində hazırlamaq üçün Təhsil Nazirliyinə müraciət olunsun.
“Maarifləndirmə işlərini elə məktəblərdən başlamaq ən yaxşısıdır. Uşaqlara heyvanlara olan sevgini aşılqamaq üçün məktəblərdə tədbirlər görülməlidir”.
Təqdimatda bir sıra heyvansevər könüllülər də iştirak ediblər. Onlar çıxışlarında bildiriblər ki, 30 min insan petisiya imzalasa bu ciddi məsələni Milli Məclis səviyyəsində müzakirələ qədər aparmaq olar.
Tədbirin sonunda Azərbaycan Heyvanların Qorunması Cəmiyyətinin heyvan haqları üzrə inzibatçısı Fərid Mansurov bildirib ki, bu əslində bizi sevindirir.
“Biz bu gün şahid olduq ki, heyvanlara qarşı həssas insanlar çoxdur. Bu insanlar problemlərin həll olunmasında müəyyən dəyişikliklərin olmasını istəyir”.
Ayan Rzayeva
