Bakı Olimpiya Stadionu Azərbaycan və Türkiyə bayraqları ilə bəzədilir. Hər oturacağa iki qardaş ölkənin bayraqları qoyulur.
Ednews xəbər verir ki, bununla bağlı sosial şəbəkələrdə foto paylaşılıb.
Xatırladaq ki, bu gün Bakıda Ağdamın "Qarabağ" və İstanbulun "Qalatasaray" komandaları arasında xeyriyyə matçı keçiriləcək.
Bakı Olimpiya Stadionunda oynanılacaq qarşılaşma saat 20:00-da başlayacaq.
Görüşdən əldə olunacaq gəlir Türkiyədə baş vermiş zəlzələdən əziyyət çəkənlərə yardım üçün göndəriləcək.
