Xəbər veridiyimiz kimi, aprelin 12-13-də Dövlət Vergi Xidmətinin Şamaxı rayonunda yerləşən Tədris Mərkəzində Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının genişləndirilmiş səyyar iclası keçirilib. İclasın keçirilməsində əsas məqsəd Agentliyin güclü və zəif cəhətlərinin, imkan və çətinliklərinin təhlili, missiya və viziyonun növbəti illər üzrə strateji məqsədlərinin müəyyənləşdirilməsi və strateji məqsədlərə çatmaq üçün fəaliyyət planının hazırlanması idi.
İclasda Beynəlxalq Avrasiya Mətbuat Fondunun prezidenti Umud Mirzəyev də iştrak edib.
Bu barədə U.Mirzəyev Ednews-a şərh bildirdi. O, qeyd etdi ki, Azərbaycan vətəndaş qurumlarının bu gün üçün strateji planının, proqramının hazırlanmasına çox böyük ehtiyac var. Onun sözlərinə görə, vətəndaş cəmiyyəti qurumlarının əslinə qalanda Azərbaycanda vətəndaş cəmiyyəti quruculuğunda, inkişafında, demokratik, güclü, dayanıqlı cəmiyyətin formalaşmasında önəmli rolu var:
“Bu camiədə çalışan qurumlarla bağlı istər QHT agentliyinin, istər vətəndaş cəmiyyəti qurumlarının gələcəklə bağlı həm vizyonu, həm də missiyası var. Bunlar çox ciddi şəkildə dəqiqləşməli və bununla bağlı konkret planlar hazırlanmalıdır. Müəyyən hədəflərə doğru, planlı şəkildə hərəkət edilməlidir. Vətəndaş cəmiyyəti qurumları Laçın yolunda bir neçə aydır ki, dinc aksiya keçirir. Bu aksiya Azərbaycan vətəndaş cəmiyyəti qurumlarının gücünü ortalığa qoydu. Bu camiənin nə böyüklükdə gücə malik olduğunu, imkanlarını, potensialını nəinki Azərbaycanda bütün beynəlxalq camiədə özünü göstərdi. Azərbaycan vətəndaş cəmiyyəti qurumları silahların toqquşduğu, meydanlarda silahların edə bilmədiyi məsələləri bəzən çox rahat yolla, sülhlə yoluna qoya bilər. Aksiya başlayandan nə qədər torpaqlarımız geri qaytarıldı. İstər Laçında, istər sərhəd bölgələrində, istərsə də Rusiya sülhməramlılarının yerləşmiş olduğu, nəzarətində olan nə qədər ərazi Azərbaycan ordusunun nəzarətinə keçdi. Bütün bunların hamısı Azərbaycan vətəndaş cəmiyyətinin ortaya qoyduğu iradə ilə qaynaqlanıb”.
U.Mirzəyevin sözlərinə görə, bu camiədə çalışan qurumların beynəlxalq standartlara uyğun fəalliyyətinə zəmin yarada biləcək bir strateji plana ehtiyac var. Normalda vətəndaş cəmiyyəti qurumları beynəlxalq təşkilatlarla əməkdaşlıq edir, vətəndaş cəmiyyəti qurumlarının çoxsaylı daxili siyasət və prosedur sənədləri olur.
“Çox ciddi təlimat sənədlərinin formalaşması lazımdır. Azərbaycanda vətəndaş cəmiyyəti qurumlarının maddi texniki bazasının formalaşmasına, ixtisaslaşmaya, beynəlxalq təşkilatlara inteqrasiya olunmasına, yeni texnologiya ilə ayaqlaşmasına böyük ehtiyac var. Vətəndaş cəmiyyəti qurumları təkcə Azərbaycanda yox beynəlxalq təşkilatların, beynəlxalq platformaların söz sahibinə çevrilə bilər və çevrilməkdədir. Bunun üçün də ciddi sənədlərin olmasına, strateji planın olmasında və bu istiqamətdə hökumətin dəstəyini ciddi ehtiyacı var. Bundan başqa QHT-lərin maliyyə resurslarının əlçatan olması lazımdır. Dövlət və cəmiyyət münasibətlərinin daha da inkişaf etməsinə, qeyri-dövlət qurumları ilə birgə əməkdaşlıq fəaliyyətinə də ehtiyac var. Uzun illərdi ki, hökumət qurumları tərəfindən QHT-lərə hiss ediləcək dərəcədə ögeylik var. Amma bu münasibətlət dəyişməlidir. Vətəndaş cəmiyyəti qurumları öz layiqli statusunu tutmalıdırlar. Bu mənada Şamaxıda Qeyri-Hökumət Təşkilatlarına Dövlət Dəstəyi Agentliyinin Müşahidə Şurasının genişləndirilmiş səyyar iclası çox təqdirəlayiq addımdır. Hesab edirəm ki, bu cür tədbirin keçirilməsi ilk dəfə idi. Bu cürə tədbirlər mütamadi olaraq keçirlilsə çox faydalı olar”.
Qeyd edə ki, Strateji Planın hazırlanması ilə əlaqədar QHT təmsilçiləri ilə məsləhətləşmələrin davam etdiriləcəyi və müzakirə mərhələsindən sonra qəbul ediləcəyi bildirilib. Strateji Planın ayrı-ayrı hissələri ilə bağlı QHT təmsilçiləri ilə müzakirələrin canlı və onlayn formatda aparılması nəzərdə tutulur və onlarla bütün proses boyu sıx əməkdaşlıq davam edəcək.
Oğuz