Bu gün dostum Ramizlə Fazil bəyi ziyarət etdik. Şükürlər olsun, səhhəti ilə bağlı problemlərin çoxu geridə qalıb. Müalicə həkimlərinin peşəkarlığı, idmanla məşğul olaraq fiziki formasını qoruması, iradəsi öz sözünü deyib. Tezliklə aktiv siyasətə qayıtmaq əzmindədi.
Telefon zəngləri də dayanmaq bilmir. Ölkənin hər yerindən, cəmiyyətin bütün təbəqələrindən, hətta tanımadığı adamlar belə zəng vurur, səhhəti ilə maraqlanır," keçmiş olsun" diləklərini çatdırırlar.
Milli Məclisin deputatları, dəyərli ziyalılarmız, məhşur kardiocərrah Rəşad Mahmudov və Etibar Əliyev də təşrif buyururlar. Söhbətimizin mövzuları tez-tez dəyişsə də əsas movzu elm, təhsil, maarifçilikdir. Ölkədə təhsilin səviyyəsindən, gənçlərin kitaba olan marağının artırılmasından, maarifçilik işinin gücləndiriməsinədən danışa-danışa Fazil bəyin artıq ölkədə hər kəsin tanıdığı məşhur kitabxanasına qalxırıq. Burada tarixə, coğrafiyaya, ədəbiyyata, kino, teatr, müsiqiyə, İslama, İslam tarixinə, digər dinlərə aid nadir kitablar, müxtəlif dillərdə ensiklopediyalar, atlaslar və s.var. Fazil bəy kitabxansını böyüdəyəcəyini, başqa ünvanlarda saxladığı kitabları da bura gətirəcəyini deyir, kitablarıyla ən böyük sərvəti kimi öyünür, onlara hədsiz sevgisini nümayiş etdiridi...
O danışdıqca yadıma sevgili Peyğəmbərimizin oxumağın, öyrənməyin ən böyük ibadət olduğu barədə sözləri düşür.
İntellektual baqajına, erudisiyasına, iti ağlı, istənilən rəqibini kölgədə qoyacaq polemika qabiliyyətinə, eyni zamanda müsəlman olaraq həqiqi islam dəyərlərinə sahiblənmək baxımdan çoxlarından qat-qat üstün olan Fazil bəyə güllə atmaq, bir gün elm öyrənməyi qırx ilin ibadətindən üstün bilən İslama, beşikdən qəbir evinədək oxumağı tovsiyyə edən İslam Peyğəmbərinə güllə atmaqdır, deyə düşünürəm...
Çox simvolikdir ki, din pərdəsi altında ölkəmizi cəhalətə sürükləmək istəyənlər inkişaf-işiq, nur rəmzi olan kitab adamına, maarifçi-deputata, ziyalıya cəhalət rəmzi olan qaranlıqdan atəş açıblar..
Atəş açılan yerə də baxırıq. Polis postu, polislərimiz yerindədi. Hər şey polisin, dövlətin nəzarətindədi. Fazil bəyi hədəfə alanlar həm də dövlətimizi, dövlətçiliyimizi hədəfə alıblar-bunu hər kəs bilir. İndi yüzlərlə, minlərlə adam ziyarət etməklə, telefon açmaqla, "keçmiş olsun" ismarışları göndərməklə Fazil bəylə həmrəylik nümayiş etdirir. Düşmənə cəhalətin, zülmətin yox, inkişafın- işiğın, nurun- Fazil bəyin, yəni, Dövlətin yanında olduğunu göstərir. Dövlətimiz isə bu gün bu birliyimizlə, həmrəyliyimizlə həmişəkindən daha güclü, daha qüdrətlidir!