Alimlər ekoloji məhsulların insan ömrünə təsirindən danışıblar.
Ednews Medical Xpress-ə istinadən xəbər verir ki, Çan adına bir qrup Harvard İctimai Sağlamlıq Məktəbinin mütəxəssisləri, üzvi qidaların istehlakının ömrün 25 faiz artırdığını müəyyən edib. Araşdırmanın nəticələri Bostonda keçiriləcək NUTRITION 2023 konfransında təqdim ediləcək.
Araşdırma müəyyən qidaların həm sağlamlıq, həm də ətraf mühit üçün (bütün taxıllar, meyvələr, nişastasız tərəvəzlər, qoz-fındıq və doymamış yağlar), digərlərinin isə zərərli (yumurta, qırmızı və işlənmiş ət) ola biləcəyini aşkar edən əvvəlki tədqiqatlara əsaslanıb. Xüsusilə, araşdırmalar göstərir ki, bitki mənşəli qidalar xroniki xəstəlik (ürək xəstəliyi, kolorektal xərçəng, diabet və insult) riskinin aşağı olması ilə yanaşı, ətraf mühitə təsirlərin, o cümlədən su və torpaqdan istifadə, çirklənmə və istixana qazı emissiyalarının azalması ilə əlaqəlidir.
Mütəxəssislər həmçinin istehsal üsullarının ətraf mühitə təsiri əsasında müxtəlif qida qrupları və sağlamlıq nəticələri arasında əlaqəyə dair araşdırmaları təhlil ediblər. Nəticə indeksi 100.000-dən çox iştirakçının məlumatları ilə müqayisə edilib.
Araşdırmalar göstərib ki, ekoloji cəhətdən ən təmiz qidalar yeyən insanların ömrü ən aşağı keyfiyyətli qidaları qəbul edənlərə nisbətən 25 faiz daha uzundur. Bundan əlavə, belə könüllülərdə xərçəng və ya ürək-damar xəstəlikləri səbəbiylə daha qısa ömür sürmə riski 15, neyrodegenerativ xəstəliklərə görə 20, tənəffüs orqanları xəstəliklərinə görə isə 50 faiz aşağıdır.
Nurlana