Hər il olduğu kimi tələbələrin Bakıya axın etməsi evlərin kirayə qiymətlərinin bahalaşmasına gətirib çıxarıb. Hazırda ən böyük problem isə kirayə evlərin qıtlığıdır.
Məsələnin aktuallığını nəzərə alaraq eksperti Elnur Azadov ilə müzakirə etdik. O, Ednews-a açıqlamaslnda bəzi maraqlı nüanslara da toxunub.
“Bahalaşma əsasən keçən ildən müşahidə olunur. Fevral ayında Rusiya-Ukraniya müharibəsi başlayan zaman ölkəyə əhalinin axını başladı. Bu zaman həm kirayə qiymətləri, həm də daşınmaz əmlak bazarında qiymətlər kəskin yüksəltdi.
Ekspert kirayə evlərin çatışmazlığından da danışıb.
“Evlərin kirayə qiymətləri keçən ilin yay sonunda ən pik həddə çatıb. Buna əsas səbəb turist axını yüksək olduğu üçün gündəlik evlərin sayında azalma müşahidə olundu”.
İqtisadçı Natiq Cəfərlinin fikrincə, sentyabrdan kirayə mənzil bazarında yenidən artım gözlənilir.
“Sentyabr ayında yeni dərs ilinin başlaması, regionlardan tələbələrin paytaxta gəlməsi ilə əlaqədar kirayə mənzillərin qiymətində artım müşahidə edilə bilər. Tələbələr ölkənin müxtəlif yerlərindən Bakı şəhərinə axın edirlər. Bu zaman da tələbələrin ev axtarması ciddi problemə çevrilir. Çox az saylı yataqxanalı universitetlərimiz var. Ona görə də kirayə mənzil bazarında ciddi gərginlik və qiymət artimi müşahidə olunur”.
Aynurə İsmayıl