Sosial şəbəkələrdə yayılan məlumatlara görə, bu gün Bakıda güclü zəlzələ olacağı deyilir. Dünən axşam radələrində isə Masallıda beş bal gücündə zəlzələ baş verib. Halbuki Seysmoloji Xidmət Mərkəzinin baş direktoru Qurban Yetirmişli bildirmişdi ki, güclü zəlzələ olmayacaq. Amma görünən odur ki, baş seysmoloqun proqnozu özünü doğrultmadı. Ekspertlər də yeni təkanların ola biləcəyini istisna etmirlər.
Ümumiyyətlə, bu gün istisan olmaqla, Azərbaycanda güclü zəlzələlər gözlənilirmi?
Bu barədə Ednews-a seysmoloq Qulam Babayev bildirdi ki, son aylarda yaşadığımız region seysmik baxımından aktivləşib. Türkiyədən tutumuş Qafqaz boyu Xəzər dənizi və Türkmənistan da daxil olmaqla aktivləşib:
“Bu nəhəng teknotik zolaqdır. Çox mürəkkəb stukturlu qırılmalar mövcuddur. Nəticədə bir sıra hiss olunan bəzi güclü maqnitutuların baş verməsini görürük. Qonşu plitələrin hərəkəti nəticəsində bizim yaşadığımız regionda titrəyişlər müşahidə olunur və biz bunun şahidi oluruq. Əlbəttə, yeraltı təkanların tez-tez baş verməsi bu təkanların artmasından xəbər verir. Mütəmadi olaraq zəlzələ baş verəcək, çünki xüsusi seysmik dövrilik indi baş verir”.
Seysmoloq qeyd etdi ki, il ərzində Azərbaycanda və regionda bir neçə zəlzələlər baş verir. Sadəcə bu kimi zəlzələlər hiss edilməyək dərəcədə olur:
“Hiss edilə biləcək zəlzələlərin olacağı istisna deyil. Amma dəqiq yeri, gücü, intensivliyi, zamanı, hətta dərinliyini demək mümkün deyil. Bunu heç bir professional seysmoloq da deyə bilməz. Dünyada hələ belə dəqiq parametrlər yoxdur. Seysmologiyada buna “qısa müddətli proqnoz” deyirlər. Müasir yanaşmalarla, üsullarla, təhlillərlə orta və uzun müddətli proqnozlar verilir. Sosial şəbəklələrdə yayılan məlumatlar şayələrdir. Qeyri-professional yanaşmalardır. İnsanlar onlara inanmasınlar”.
Oğuz