Yeni il və 31 dekabr Dünya Azərbaycanlılarının Həmrəylik gününə sayılı günlər qalıb. Bir çoxları bayramı bölgələrdə və xarici ölkələrdə qeyd etməyi sevir.
Bəs rəsmi şəxslər, ictimai xadimlər bu barədə nə düşünür? Milli Məclisin üzvləri yeni ili harada qeyd etmək istəyirlər?
Ednews Milli Məclis deputatlarının bayramı harda keçirəcəyi ilə bağlı sorğu keçirib. Sorğunun cavablarını təqdim edirik:
Sabir Rüstəmxanlı:
“Xüsusu bir planım yoxdur. Evdə olacaam. Yanvarın 1-də dağa getməyi qərarlaşdırmışam. Gözlənilməz bir iş çıxmasa”.
Aqil Abbas:
“Mən bütün bayramları, o cümlədən də Yeni ili ailəmlə evimdə keçirirəm. Bu, həmişə belə olub, belə də olacaq. Bayramı adam evində keçirər”.
Fazil Mustafa:
"Bakıda və evdə. Yeni ili qarşılama deyə bir ritualım yoxdur. Bütöv zaman anlayışı olanlar üçün için bir boy artması hadisə sayılmır".
Etibar Əliyev:
"Yeni ildə heç yerə getməyəcəm. Ev yaxşıdı".
Azər Badamov:
"Yeni İli Qusarda qeyd etməyi düşünürəm".
Ceyhun Məmmədov:
“Hər il olduğu kimi, bu il də Yeni ili ailəmlə birlikdə evdə keçirməyi düşünürəm. Bu, artıq ənənə halını alıb. Ailəm, valideynlərim və bacılarımla birlikdə keçirməyi planlaşdırıram. Hər zaman Yeni ili Azərbaycanda keçirməyə üstünlük verirəm. Hesab edirəm ki, bu cür bayramlar ailəlikcə evdə birlikdə keçirilməlidir”.
Qeyd edək ki, Fəzail Ağamalı yeni ili Bakıda, Tural Gəncəliyev Azərbaycanda, Zahid Oruc isə evdə doğmaları ilə qeyd edəcəyini söyləyib.
Oğuz