Bakının Sabunçu rayonunda gənc oğlana çoxsaylı bıçaq zərbələri vurulub.
Ednews report.az-a istinadən xəbər verir ki, iki dost arasında dava qanla bitib.
Belə ki, 2003-cü il təvəllüdlü Qiyas Süleymanov dava zamanı dostu tərəfindən bıçaqlanıb.
Yaralı təcili tibbi yardımın köməkliyi ilə xəstəxanaya çatdırılıb. Müayinə zamanı ona bədənin müxtəlif yerlərində 6 ədəd kəsilmiş-deşilmiş bıçaq yarası diaqnozu qoyulub.
Q. Süleymanovun yaxınlarından verilən məlumata görə, bıçaqlanma söyüş üstündə baş verib.
Faktla bağlı araşdırma aparılır.